စပါးအသင်းသည် လန်ဒန်မြို့ခံပြိုင်ဘက် အာဆင်နယ်အသင်းကို UEFA အဆင့်သတ်မှတ်ချက်တွင် ကျော်ဖြတ်နိုင်တော့မည်ဖြစ်ကြောင်း သိရသည်။
စပါးအသင်းသည် ၁၉၉၁-၉၂ ရာသီတွင် အာဆင်နယ်၏အထက်၌ နောက်ဆုံးရပ်တည်ခဲ့ပြီးကတည်းက ပရီးမီးယားလိဂ်ခေတ်တစ်လျှောက်လုံး အာဆင်နယ်၏အောက်တွင်သာ ရှိခဲ့သည်။
ပြီးခဲ့သည့်ရာသီအထိ အာဆင်နယ်ထက် (၂)မှတ်လျော့နေခဲ့သော်လည်း ယခုရာသီတွင် အာဆင်နယ်အသင်းက ဥရောပပြိုင်ပွဲ ယှဉ်ပြိုင်ခွင့်မရသည့်အတွက် စပါးအသင်းအနေဖြင့် မြို့ခံပြိုင်ဘက်အသင်းကို ကျော်ဖြတ်နိုင်ရန် သေချာသွားခဲ့ခြင်းဖြစ်သည်။
UEFA ၏ ပြီးခဲ့သည့်ရာသီအထိ ကလပ်အသင်းအဆင့်သတ်မှတ်ချက်တွင် အာဆင်နယ်က အဆင့်(၁၂)၊ စပါးက အဆင့် (၁၃)နေရာ၌ ရပ်တည်နေပြီး ဘိုင်ယန်မြူးနစ်က ထိပ်ဆုံးတွင် ဦးဆောင်နေကြောင်း သိရသည်။
