အင်္ဂလန်ဘောလုံးအဖွဲ့ချုပ် (FA)သည် ၎င်းတို့ချမှတ်ထားသည့် လောင်းကစားစည်းမျဉ်းကို ချိုးဖောက်မှုကြောင့် ဘရန့်ဖို့ဒ်တိုက်စစ်မှူး တိုနေးကို ဘောလုံးနှင့်ပတ်သက်ခွင့် (၈) လပိတ်ပင်ခဲ့သလို၊ ပေါင် (၅၀၀၀၀) ဒဏ်တပ်ရိုက်ခဲ့ကြောင်း သိရှိရသည်။
အသက် (၂၇) နှစ်အရွယ်ရှိ အင်္ဂလန်လက်ရွေးစင်တိုက်စစ်မှူး တိုနေးသည် ၂၀၁၇ ခုနှစ်မှ ၂၀၂၁ ခုနှစ်၊ နိုဝင်ဘာလအထိ FA မှ ချမှတ်ထားသည့် လောင်းကစားစည်းမျဉ်းများကို ချိုးဖောက်မှုဖြင့် ၂၀၂၂ နိုဝင်ဘာတွင် စွဲချက် (၂၃၂)ခု၊ ၂၀၂၂ ဒီဇင်ဘာတွင် စွဲချက် (၃၀)ခုတို့ဖြင့် စွဲချက်တင်ခဲ့ပြီး ယခုအခါ ပြစ်ဒဏ်ချမှတ်ခဲ့ခြင်းဖြစ်သည်။
တိုနေးက ၎င်းအနေဖြင့် စွဲချက် (၂၃၂)ခုကို ကျူးလွန်ခဲ့ကြောင်းလည်း ဝန်ခံခဲ့သည်။ FA ၏ထုတ်ပြန်ချက်တွင် “တိုနေးအား FA ၏ လောင်းကစားစည်းမျဉ်းချိုးဖောက်မှုဖြင့် ယခုမှစပြီး (၈)လအတွင်း(၂၀၂၄ ဇန်နဝါရီ ၁၆ ရက်အထိ) ဘောလုံးနှင့်ပတ်သက်ခြင်း မပြုရန် အမိန့်ချမှတ်လိုက်ကြောင်း” ဖော်ပြပါရှိသည်။
ထို့ကြောင့် တိုနေးအနေဖြင့် ၂၀၂၄ ခုနှစ်၊ ဇန်နဝါရီ (၁၇) ရက်တွင်မှ ဘောလုံးပြန်ကစားနိုင်တော့မည်ဖြစ်သည်။
