ရှက်ဖီးယူနိုက်တက်ဂိုးသမား ရမ်းစ်ဒေးလ်ကိုခေါ်ယူရန် အာဆင်နယ် ကြိုးပမ်းနေ

အာဆင်နယ်အသင်းသည် ယခုနွေရာသီအပြောင်းအရွှေ့ကာလအတွင်း ရှက်ဖီးယူနိုက်တက်အသင်း၏ ဂိုးသမား ရမ်းစ်ဒေးလ်အားခေါ်ယူရန်ပစ်မှတ်ထားနေကြောင်း သိရသည်။

လက်ရှိအချိန်တွင် အာဆင်နယ်အသင်း၏အားကစားဒါရိုက်တာ အီဒူးသည် အာဆင်နယ်အသင်း နောက်ထပ်ခေါ် ယူမည့်ကစားသမားများအတွက် အပြောင်းအရွှေ့စျေးကွက်တွင် သွက်လက်စွာလှုပ်ရှားနေလျက်ရှိသည်။

အီဒူးအနေဖြင့် အင်္ဂလန်လက်ရွေးစင်ဂိုးသမား ရမ်းစ်ဒေးလ်အတွက် သူ၏ကလပ် ရှက်ဖီးယူနိုက်တက်အသင်းကို ဆက်သွယ်ထားကြောင်း သိရသည်။

ဗြိတိန်သတင်းစာ The Star တွင် ဖော်ပြခဲ့သောသတင်းအရ အာဆင်နယ်အသင်းသည် ရမ်းစ်ဒေးလ်အတွက် ရှက်ဖီးယူနိုက်တက်အသင်းထံ နှစ်ကြိမ်တိုင် ကမ်းလှမ်းခဲ့သည်။

သို့သော် ယင်းကမ်းလှမ်းမှုများကို ရှက်ဖီးယူနိ်ုက်တက်အသင်းဘက်မှ ပယ်ချခံခဲ့ကြောင်း သိရသည်။

ပြီးခဲ့သည့်ရာသီက ရှက်ဖီးယူနိုက်တက်အသင်းအတွက် ပရီးမီးယားလိဂ်(၃၈)ပွဲစလုံးကစားပေးခဲ့သူ ရမ်းစ်ဒေးလ်အတွက် သူ၏ကလပ် ရှက်ဖီးယူနိုက်တက်အသင်းက ပြောင်းရွှေ့ကြေး ပေါင် သန်း(၄၀)ခန့် အလိုရှိနေကြောင်း သိရသည်။

ရမ်းစ်ဒေးလ်မှာလည်း ယူရို-၂၀၂၀ ပြိုင်ပွဲဝင် အင်္ဂလန်လက်ရွေးစင်အသင်းလူစာရင်းတွင် ပါဝင်ခဲ့သော်လည်း ပွဲမကစားခဲ့ရသူဖြစ်သည်။