မွန်တီနီဂရိုး – ဂျီဘရော်လ်တာ (မြန်မာစံတော်ချိန် မတ်လ ၂၇ ရက် ည ၈:၃၀ နာရီ)
ဂျီဘရော်လ်တာက ဥရောပရဲ့အားအနည်းဆုံးအသင်းတွေထဲက တစ်သင်းဖြစ်ပြီး မွန်တီနီဂရိုးကို ယှဉ်ကစားဖို့ မလွယ် ပါဘူး။ မွန်တီနီဂရိုးရဲ့လက်ရှိခြေစွမ်း၊ မာကျောမှုက အားရစရာမဟုတ်ပေမဲ့ ဂျီဘရော်လ်တာထက်တော့ အများကြီးသာတယ်။ ဂိုးပြတ်နိုင်တယ်။
ရုရှား – ဆလိုဗေးနီးယား (မြန်မာစံတော်ချိန် မတ်လ ၂၇ ရက် ည ၈:၃၀ နာရီ)
အရင်ကတော့ ဒီနှစ်သင်းက သိပ်မကွာကြဘူး။ ဒါပေမဲ့ နောက်ပိုင်းနှစ်တွေမှာ ရုရှားက အသင်းကြီးနေရာမှာ ဆက် လက်ရပ်တည်နေပြီး ဆလိုဗေးနီးယားက ကျဆင်းလာတယ်။ Current Form အရ ဆလိုဗေးနီးယားသာပေမဲ့ ရုရှားက ပို ကောင်းတဲ့အသင်းပါ။ ရုရှား အနိုင်သေချာတယ်။
ဘီလာရုစ် – အက်စ်တိုးနီးယား (မြန်မာစံတော်ချိန် မတ်လ ၂၇ ရက် ည ၁၁:၃၀ နာရီ)
ခြေသိပ်မကွာတဲ့အသင်းတွေပါ။ လက်ရှိရလဒ်ပိုင်းလည်း သိပ်မကွာကြဘူး။ နှစ်သင်းစလုံးက အသင်းငယ်တွေထဲမှာတော့ မာကျောတဲ့အသင်းတွေဖြစ်ပြီး အားရစရာကောင်း တယ်လို့ ပြောလို့ရတယ်။ လက်ရှိအနေအထားအရတော့ ဘီ လာရုစ်ကို ပိုကြိုက်ပါတယ်။
နော်ဝေ – တူရကီ (မြန်မာစံတော်ချိန် မတ်လ ၂၇ ရက် ည ၁၁:၃၀ နာရီ)
စိတ်ဝင်စားစရာကောင်းတဲ့အသင်းနှစ်သင်းပါ။ နှစ်သင်းစလုံးတောင့်တင်းတယ်။ ဒါပေမဲ့ ဟော်လန်း၊ အော်ဒီဂွါတို့လို လူ ငယ်တွေထွက်ပေါ်လာတဲ့ နော်ဝေက နောက်တစ်ဆင့်ကို တက်လာပါတယ်။ တူရကီနဲ့ ခြေသိပ်မကွာဘူးဆိုပေမဲ့ နော်ဝေ ကွင်းမှာတော့ နော်ဝေ နိုင်ပွဲမျှော်လင့်နို်င်တယ်။
နယ်သာလန် – လတ်ဗီးယား (မြန်မာစံတော်ချိန် မတ်လ ၂၇ ရက် ည ၁၁:၃၀ နာရီ)
နယ်သာလန်ရဲ့အကောင်းဆုံးအချိန်မဟုတ်ဘူးဆိုရင်တောင် လတ်ဗီးယားလိုအသင်းမျိုးကို အနိုင်ယူဖို့ မခက်ပါဘူး။ နယ်သာလန်ရဲ့ လက်ရှိစုဖွဲ့မှုက ပရိသတ်ရင်းနှီးတဲ့ကစားသမား တွေမဟုတ်ပေမဲ့ အရည်အသွေးမြင့်ကြတယ်။ ဒီပွဲလည်း နယ်သာလန် ဂိုးပြတ်သွင်းလိမ့်မယ်။
ခရိုအေးရှား – ဆိုက်ပရပ်စ် (မြန်မာစံတော်ချိန် မတ်လ ၂၇ ရက် ည ၁၁:၃၀ နာရီ)
ခရိုအေးရှားက ရလဒ်တွေဆိုးရွာနေပြီး ဆလိုဗေးနီးယားကိုလည်း ရှုံးခဲ့တယ်။ ဒါပေမဲ့ Nations League ရဲ့ ခေါင်အဆင့် မှာ အသင်းကောင်းတွေနဲ့ကစားခဲ့ရသလို၊ ဆလိုဗေးနီးယားနဲ့ပွဲ က အရှုံးကိုလည်း ချေဖျက်ဖို့ ခရိုအေးရှား ကြိုးစားလိမ့်မယ်။ ဒါကြောင့်လည်းဆိုက်ပရပ်စ်အသင်းအနေနဲ့ ဒီပွဲမှာ အံ့အားသင့်စရာလုပ်ပြနိုင်မယ်မထင်ဘူး။ ခရိုအေးရှား နိုင်ပွဲယူလိမ့်မယ်။
ဆားဘီးယား – ပေါ်တူဂီ (မြန်မာစံတော်ချိန် မတ်လ ၂၈ ရက် နံနက် ၂:၁၅ နာရီ)
ပေါ်တူဂီက ဆားဘီးယားနဲ့တွေ့တိုင်း အသာစီးယူလေ့ရှိတယ်။ ကစားသမားအင်အားအရဖြစ်စေ၊ ခြေစွမ်းအရဖြစ်စေ၊ ပေါ်တူဂီကို ဆားဘီးယား ယှဉ်ကစားနိုင်ဖို့ ခက်တယ်။ ဆားဘီးယားမှာ ထိပ်တန်းကစားသမားတချို့ရှိပေမဲ့ တိုက်စစ်ပိုင်းက ဂိုးရဖို့ ရုန်းကန်နေရပြီး ဒိုမီနီကန်၊ ပနားမားတို့လိုအသင်းတွေကိုတောင် အနိုင်မယူနိုင်ခဲ့တာလည်း တွေ့ရတယ်။ ပေါ်တူဂီက စီရော်နယ်လ်ဒိုရဲ့နေဝင်ချိန်ရောက်လာချိန်မှာ နောက်ထပ်ကြယ်ပွင့်သစ်တွေ ထွက်ပေါ်လာပြီး၊ အားလုံးလိုလို အားကိုးရတယ်။ တစ်ဦးချင်းအရည်အသွေးရော၊ အသင်းလိုက်စုဖွဲ့မှုအနေနဲ့ပါ အားကောင်းတဲ့အတွဲအဖက်တွေ ဖြစ်လာပြီး ရှေ့၊ လယ်၊ နောက် နေရာစုံမှာ ဟန်ချက်ညီတာလည်း တွေ့ရတယ်။ ပေါ်တူဂီကို ကြိုက်တယ်။
အိုင်ယာလန် – လူဇင်ဘတ် (မြန်မာစံတော်ချိန် မတ်လ ၂၈ ရက် နံနက် ၂:၁၅ နာရီ)
အိုင်ယာလန်က ဥရောပရဲ့အသင်းကောင်းတစ်သင်းဖြစ်ပြီး လူဇင်ဘတ်ကတော့ အားအနည်းဆုံးအသင်းတွေထဲက တစ်သင်းပါ။ သရေကျဖို့အတွက် ခံစစ်မှာ ပိတ်ဆို့ပြီး ကစားမှာ သေချာပေမဲ့ မိနစ် (၉၀)တောင့်ခံနိုင်ဖို့ မလွယ်ပါဘူး။ အိုင်ယာလန် ဂိုးပြတ်၊ မပြတ်ပဲ ကြည့်ရမယ်။
ချက် – ဘယ်လ်ဂျီယံ (မြန်မာစံတော်ချိန် မတ်လ ၂၈ ရက် နံနက် ၂:၁၅ နာရီ)
ဘယ်လ်ဂျီယံက လက်ရှိ ကမ္ဘာ့အကောင်းဆုံးစာရင်းဝင်အသင်းတစ်သင်းဖြစ်ပြီး၊ အားကောင်းတဲ့ လူစာရင်းကို ပိုင်ဆိုင်ထားတယ်။ ဒီဘရို်င်းနား၊ လူကာကူတို့က Peak Form ကို ရောက်နေကြပြီး ဘယ်လ်ဂျီယံရဲ့ Rhythm ကလည်း အကောင်းဆုံးပုံစံဖြစ်နေတယ်။ ဘယ်လ်ဂျီယံကိုပဲ ကြိုက်တယ်။
ဆလိုဗက်ကီးယား – မော်လ်တာ (မြန်မာစံတော်ချိန် မတ်လ ၂၈ ရက် နံနက် ၂:၁၅ နာရီ)
မော်လ်တာနဲ့ ဆလိုဗက်ကီးယားက ခြေစွမ်းချင်းကွာ တယ်။ ဆလိုဗက်ကီးယားက အရင်ထက်စာရင် အားနည်းသွား တယ်လို့ ပြောလို့ရပြီး ဟမ်ဆစ်နောက်ပိုင်းမှာ ကြယ်ပွင့်သစ် မပေါ်တော့ဘူးလို့လည်း ပြောလို့ရတယ်။ ဒါပေမဲ့ မော်လ်တာကို တော့ ဂိုးပြတ်သွင်းနိုင်စွမ်းရှိပါတယ်။
