ချယ်လ်ဆီးအသင်းသည် နည်းပြသစ် ဂရေဟမ်ပေါ်တာလက်ထက်တွင် နိုင်ပွဲများဆက်နေပြီး ၂၀၁၆ ဒီဇင်ဘာနောက်ပိုင်း ပထမဆုံးအကြိမ်အဖြစ် ပြိုင်ပွဲစုံ (၄)ပွဲဆက်တိုက် Clean Sheet နိုင်ပွဲ ရရှိခဲ့ကြောင်း သိရသည်။
ဂရေဟမ်ပေါ်တာသည် ချယ်လ်ဆီးနည်းပြဘဝကို သရေပွဲဖြင့် အစပြုခဲ့သော်လည်း နောက်ဆုံး (၅)ပွဲဆက် အနိုင်ရခဲ့သည့်အနက် နောက်ဆုံး(၄)ပွဲတွင် ဂိုးမပေးရဘဲ Clean Sheet ရလဒ်ကိုပါ ရယူနိုင်ခဲ့ခြင်းဖြစ်သည်။
ထို့ ကြောင့် ဂရေဟမ်ပေါ်တာကို ချီးကျူးမှုများရှိနေပြီး နည်းပြဟောင်း အန်တိုနီယိုကွန်တီကဲ့သို့ စွမ်းဆောင်နိုင်ခဲ့ခြင်းလည်းဖြစ်သည်။
ချယ်လ်ဆီးအသင်းသည် ကွန်တီလက်ထက် ၂၀၁၆ ဒီဇင်ဘာလတွင် ဝက်စ်ဘရွန်း၊ ဆန်းဒါးလန်း၊ ခရစ္စတယ်ပဲလေ့စ်၊ ဘုန်းမောက်တို့ကို Clean Sheet ရလဒ်များဖြင့် အနိုင်ရခဲ့ပြီး ယခုအခါ အေစီမီလန်နှစ်ကျော့၊ ဝုလ်ဗ်နှင့် အက်စတွန်ဗီလာတို့ကို Clean Sheet ရလဒ်များဖြင့် အနိုင်ရခဲ့ခြင်းဖြစ်သည်။
