ဥရောပထိပ်တန်းလိဂ် ငါးခုတွင် ပြိုင်ဘက်အသင်း ၇၈ သင်းသို့ စီရော်နယ်လ်ဒို ဂိုးသွင်းယူခဲ့ပြီး အီဘရာဘီမိုဗစ်၏ စံချိန်ကိုလိုက်မီရန် တစ်သင်းသာလိုအပ်

ဂျူဗင်တပ်စ်အသင်း၏နာမည်ကြီးတိုက်စစ်မှူး စီရော်နယ်လ်ဒိုသည် ခရိုတိုနီနှင့်ကစားသည့်ပွဲတွင် အသင်းအတွက် ဂိုးသွင်းယူပေးပြီးနောက် ဥရောပထိပ်တန်းလိဂ် ငါးလိဂ်တွင် ပြိုင်ဘက်အသင်း ၇၈ သင်းသို့ ဂိုးသွင်းယူနိုင်ခဲ့ကြောင်း သိရသည်။

၂ဝဝဝပြည့်နှစ်ကတည်းက စစ်တမ်း ကောက်ယူမှုတွင် စီရော်နယ်လ်ဒိုထက် အသင်းပိုများပြီး ဂိုးသွင်းနိုင်သူမှာ လက်ရှိ အေစီမီလန်အသင်း၌ ကစားနေသည့် ဆွီဒင်ဝါရင့်တိုက်စစ်မှူး အီဘရာဟီမိုဗစ်ဖြစ်ပြီး ၇၉ သင်း အထိ သွင်းယူထားသည်။ ထို့ပြင် စီရော် နယ်လ်ဒိုသည် ယခုရာသီ စီးရီးအေ၌ ကစား နေသည့်အသင်းတိုင်းကို ဂိုးသွင်းယူထားနိုင်သည့်ကစားသမားအဖြစ်လည်း ရပ်တည်လျက်ရှိသည်။

myan789

ဖေဖော်ဝါရီ ၅ ရက်က အသက် ၃၆ နှစ်ပြည့်ခဲ့သည့် စီရော်နယ်လ်ဒိုသည် ၂၀၁၈-၁၉ ဘောလုံးရာသီတွင် ရီးယဲလ်အသင်းမှ ဂျူဗင်တပ်စ်သို့ ရောက်ရှိလာပြီးနောက် အသင်းအတွက် ကစားပေးခဲ့သည့် စီးရီးအေ ပွဲစဉ် ၈၃ ပွဲတွင် ဂိုး ၇၀ အထိ သွင်းယူပေးထား ခဲ့ပြီး ချန်ပီယံလိဂ်အပါအဝင် ပြိုင်ပွဲစုံပွဲပေါင်း ၁၁၇ ပွဲတွင်မူ ဂိုး ၉၀ အထိ သွင်းယူပေးထား ကြောင်း သိရသည်။

ဖေဖော်ဝါရီ ၂၂ ရက်က ယှဉ်ပြိုင်ကစားခဲ့သည့် ယင်းစီးရီးအေပွဲစဉ်တွင် ဂျူဗင်တပ်စ်အသင်းက ခရိုတိုနီအသင်းကို (၃-၀) ဂိုးဖြင့် အနိုင်ရခဲ့ပြီး အမှတ်ပေးဇယားတွင် တစ်ပွဲလျော့ကစားကာ ရမှတ်ပေါင်း ၄၅ မှတ် ဖြင့် တတိယနေရာ၌ ရပ်တည်လျက်ရှိသည်။ အဆိုပါပွဲတွင် ဂျူဗင်တပ်စ်အသင်းအတွက် ဂိုးများကို စီရော်နယ်လ်ဒိုက ၃၈ မိနစ်နှင့် ပထမပိုင်းနာကျင်အချိန်ပိုတွင် နှစ်ဂိုးဆက် သွင်းယူခဲ့ပြီး ကွင်းလယ်လူ မက်ကန်နီးက ၆၆ မိနစ်တွင် တတိယဂိုးသွင်းပေးခဲ့ကြောင်း သိရသည်။

ယခုရာသီမှ ဂျူဗင်တပ်စ်အသင်းသို့ရောက်ရှိလာသည့် မက်ကန်နီးသည် စီးရီး အေသွင်းဂိုး လေးဂိုးအထိရှိလာပြီး ရိုးမားအသင်း၌ကစားခဲ့ဖူးသည့် ဘရက်ဒလေ(၃ ဂိုး) ၏စံချိန်ကိုကျော်ဖြတ်ကာ စီးရီးအေသမိုင်း တွင် ဂိုးသွင်းအများဆုံး အမေရိကန်ကစားသမားအဖြစ် မှတ်တမ်းဝင်ခဲ့သည်။

ဂျူဗင်တပ်စ်အသင်းသည် ခရိုတိုနီနှင့်ကစားသည့် ပွဲမှာ ကွင်းသစ်၌ ပြိုင်ပွဲစုံ ပွဲ ၂၅၀ ပြည့်မြောက် ခဲ့ကြောင်း သိရသည်။ စီရော်နယ်လ်ဒို ဂိုးမသွင်းယူနိုင်သည့် စီးရီးအေအသင်းမှာ ချီယေဗိုတစ်သင်းတည်းသာရှိပြီး ၂၀၁၈-၁၉ ရာသီ ကုန်တွင် စီးရီးအေမှာ တန်းဆင်းထားသည့် အသင်းဖြစ်သည်။ စီရော်နယ်လ်ဒိုသည် ယခုရာသီ စီးရီးအေဂိုးသွင်းအများဆုံးစာရင်းတွင် ၁၈ ဂိုး နှင့် ဦးဆောင်လျက်ရှိသည်။

Similar Articles

Comments

LEAVE A REPLY

Please enter your comment!
Please enter your name here

Covid-19 Statistic

Advertismentspot_img

Instagram

Most Popular