နော်ဝေ လက်ရွေးစင် အသင်း နည်းပြ Stale Solbakken က နိုင်ငံ အသင်း လူစာရင်း ကနေ နှုတ်ထွက် သွားခဲ့တဲ့ အာဆင်နယ် အသင်း ခေါင်းဆောင် မာတင် အော်ဒီဂတ် ရဲ့ ဒဏ်ရာ အခြေအနေဟာ ပြင်းထန်တဲ့ အနေအထားမှာ မရှိတာကြောင့် မကြာခင် ပြန်ကစားနိုင်လိမ့်မယ်လို့ အသိပေး ပြောကြား သွားခဲ့ပါတယ် ။
အသက် ၂၄ နှစ် အရွယ် ရှိပြီ ဖြစ်တဲ့ အော်ဒီဂတ် ဟာ တင်ပါး ဒဏ်ရာကြောင့် အာဆင်နယ် အသင်း ရဲ့ ပရီးမီးယားလိဂ် နောက်ဆုံး ၃ ပွဲဆက် ပါဝင် ကစားနိုင်ခဲ့ခြင်း မရှိသလို ဆီဗီလား အသင်း နဲ့ ချန်ပီယံလိဂ် ပွဲမှာလည်း မပါဝင် နိုင်ခဲ့ပါဘူး ။
အာဆင်နယ် အသင်း ရဲ့ ပွဲတွေကို တောက်လျှောက် လွဲချော်နေခဲ့ပေမယ့်လည်း နော်ဝေ အသင်းဟာ အော်ဒီဂတ် ကို ဖာရိုးအိုင်စလန် ၊ စကော့တလန် တို့နဲ့ ကစားမယ့် ယူရို ခြေစစ်ပွဲ လူစာရင်းမှာ ထည့်သွင်း ရွေးချယ် ခဲ့ပါတယ် ။ တနင်္လာနေ့မှာတော့ အော်ဒီဂတ် ဟာ နိုင်ငံ အသင်း လူစာရင်း ကနေ နှုတ်ထွက် သွားခဲ့ပါတယ် ။
အာဆင်နယ် အသင်းဘက်က အော်ဒီဂတ် ရဲ့ ဒဏ်ရာ အခြေအနေ အသေးစိတ် ကို ခုထက်ထိ ကြေညာခြင်း မရှိသေးပေမယ့် နော်ဝေ အသင်းကတော့ သူတို့ရဲ့ ကပ္ပတိန် ဒဏ်ရာ အခြေအနေက စိုးရိမ်စရာ မရှိကြောင်း အသိပေး သွားခဲ့ပါတယ် ။
” အာဆင်နယ် အသင်းဘက်က အော်ဒီဂတ် ရဲ့ ဒဏ်ရာ အခြေအနေ နဲ့ ပတ်သက်ပြီး အရမ်းကိုမှ သိုဝှက်လွန်းပါတယ် ၊ ဒါကြောင့် ကျနော်လည်း ဘယ်လောက် အထိ ပြောလို့ ရမှန်း မသိပါဘူး ။ မာတင် ရဲ့ဒဏ်ရာ အခြေအနေအကြောင်း အကုန် သိထားတော့ သူ့ကို အသင်း လူစာရင်းမှာ ထည့် သွင်းဖို့ လုံးဝ အစီအစဉ် မရှိခဲ့ပါဘူး ။ ”
” သူ့ကို လူစာရင်း မှာ ထည့်ခဲ့တာကလည်း ဆီဗီးလား သို့မဟုတ် ဘန်လေ အသင်း နဲ့ ပွဲမှာ သူ ပါဝင် ကစား နိုင်တယ်လို့ ကလပ် အသင်းဘက်က ယူဆတာကြောင့်ပါ ။ စောစောစီးစီးကသာ ရှင်းရှင်းလင်းလင်း သိရရင် ကျနော် သူ့ကို အသင်း လူစာရင်းထဲ ထည့်မှာ မဟုတ်ပါဘူး ၊ ကျနော် ပြောနိုင်တာက သူ့ရဲ့ ဒဏ်ရာက သာမန် ဒဏ်ရာ တစ်ခုဆိုတာပါပဲ ၊ လုံးဝ အပြည့်အဝ ပြန်လည် သက်သာ လာနိုင်တဲ့ ဒဏ်ရာမျိုးပါ ။ ကစားသမား ဘဝ ကို အန္တရယ် ပေးနိုင်လောက်တဲ့ အထိ ကြောက်စရာကောင်းတဲ့ ဒဏ်ရာ မဟုတ်ပါဘူး ၊ သူ နော်ဝေ အသင်း အတွက် ပွဲတွေ ကစားပေးနိုင်မှာပါ ။ ” လို့ ပြောကြား သွားခဲ့ပါတယ် ။
