အင်္ဂါနေ့ညက ဆန်စီရိုတွင်ကစားသည့် ချန်ပီယံလိဂ်ဆီမီးဖိုင်နယ်တွင် အင်တာမီလန်သည် မြို့ခံပြိုင်ဘက် အေစီမီလန်ကို ၁-၀ ဖြင့်အနိုင်ရရှိပြီး ဗိုလ်လုပွဲသို့ တက်ရောက်သွားပြီဖြစ်သည်။ မနေ့ညက ကစားသည့်ပွဲတွင် အင်တာသည် အိမ်ရှင်နေရာမှ ကစားခဲ့ခြင်းဖြစ်သည်။ အင်တာမီလန်သည် ပထမအကျော့တွင် ၀-၂ ဖြင့် အနိုင်ရရှိထားခြင်းကြောင့် နှစ်ကျော့ပေါင်း ၃-၀ ဖြင့် အေစီမီလန်ကို အနိုင်ရပြီး ဗိုလ်လုပွဲတွင် ရီးရဲမက်ဒရစ် သို့မဟုတ် မန်စီးတီးအသင်းနှင့် ရင်ဆိုင်ရမည်ဖြစ်သည်။
အင်တာမီလန်အတွက်တစ်လုံးတည်းသော အနိုင်ဂိုးကို ပွဲချိန် ၇၄ မိနစ်တွင် လူကာကူ၏ ဖန်တီးပေးမှုမှ တဆင့် လော်တာရိုမာတီနက်ဇ်က သွင်းယူပေးနိုင်ခဲ့ခြင်းဖြစ်သည်။ ယခုပွဲအနိုင်ရလိုက်ပြီးနောက် အင်တာမီလန်သည် အိမ်ကွင်းပရိသတ် ၇၆,၀၀၀ရှေ့တွင် ၈ ပွဲဆက်တိုက်အနိုင်ရခြင်း အဖြစ်လည်း မှတ်တမ်းဝင်သွားသည်။
အင်တာမီလန်သည် ၂၀၁၀ မော်ရင်ညိုခေတ်နောက်ပိုင်းတွင် ပထမဆုံးအကြိမ် ချန်ပီယံလိဂ် ဗိုလ်လုပွဲသို့ တက်ရောက်လာခြင်းဖြစ်ပြီး ချန်ပီယံလိဂ်ဖလားကို ၄ ကြိမ်မြောက်ဆွတ်ခူးနိုင်ရန် အခွင့်အလန်းတချို့ကိုလည်း ရရှိသွားပြီဖြစ်သည်။
