အာဆင်နယ် အသင်း ခေါင်းဆောင် တိုက်စစ်မှူး အူဘာမီယန်း ဟာ PFA ရဲ့ ပရီးမီးယားလိဂ် တစ်နှစ်တာ အကောင်းဆုံး အသင်းမှာ ပါဝင် ခဲ့ပါတယ် ။ အူဘာမီယန်း ဟာ ပြီးခဲ့တဲ့ ရာသီက ပရီးမီးယားလိဂ်မှာ သွင်းဂိုး ၂၂ ဂိုး အထိ သွင်းယူ နိုင်ခဲ့ပါတယ် ။
PFA ရဲ့ အင်္ဂလန် အမျိုးသမီး စူပါလိဂ် တစ်နှစ်တာ အကောင်းဆုံး အသင်းမှာ အာဆင်နယ် အမျိုးသမီး နောက်ခံလူ ဝီလီယမ်ဆန် ၊ ကွင်းလယ်လူ ကင်လစ်တယ် နဲ့ တိုက်စစ်မှူး မီဒမ်မာ တို့ ပါဝင် ခဲ့ပါတယ် ။
အာဆင်နယ် ယူ-၂၁ အသင်းဟာ မနေ့က EFL ဖလား ပွဲအဖြစ် အစ်ဆွစ်ချ်တောင်း အသင်း နဲ့ ယှဉ်ပြိုင် ကစားခဲ့ရာ နှစ်ဂိုး တစ်ဂိုး နဲ့ အနိုင် ရသွားခဲ့ပါတယ် ။ အာဆင်နယ် ယူ-၂၁ အသင်းဟာ နောက်က လိုက်ကစား ခဲ့ရတာ ဖြစ်ပြီး သွင်းဂိုးတွေကိုတော့ ကစားသမားသစ် ဂျော့လီဝစ် နဲ့ အသင်းကနေ ထွက်ခွာမယ်လို့ သတင်းကြီးနေတဲ့ ဘာလိုဂန် တို့က သွင်းယူ ပေးခဲ့တာပါ ။အာဆင်နယ် ယူ-၂၁ အသင်းမှာ အသစ် ခေါ်ယူထားတဲ့ ဆာလာ အက်ဒီနေး လည်း ဝင်ရောက် ကစားခဲ့ပါတယ် ။
အာဆင်နယ် အသင်း ကစားသမား မိတ်လန်နိုင်းလ်စ် ဟာ ဒိန်းမတ် အသင်း နဲ့ ဂိုးမရှိ သရေကျခဲ့တဲ့ ဥရောပ နေရှင်းလိဂ် ပွဲမှာ အင်္ဂလန် လက်ရွေးစင် အသင်းကြီး အတွက် ပထမဆုံး အကြိမ် ကစားခွင့် ရခဲ့ပါတယ် ။ နိုင်းလ်စ် ဟာ ပွဲချိန် ၈၇ မိနစ်မှာ အာနိုး အစား လူစားဝင် ကစားခဲ့တာပါ ။
မနေ့ညက ကစားခဲ့တဲ့ ဩစတီးယား ယူ-၂၁ အသင်းနဲ့ ယူရို ယူ-၂၁ ခြေစစ်ပွဲမှာ အာဆင်နယ် လူငယ် ကစားသမားတွေ ဖြစ်ကြတဲ့ အန်ခီတီးယား ၊ နယ်လ်ဆင် တို့ဟာ အင်္ဂလန် ယူ-၂၁ အသင်းအတွက် ပွဲထွက် ကစားခဲ့ကြပါတယ် ။ အန်ခီတီးယား ဟာ အင်္ဂလန် ယူ-၂၁ အသင်းအတွက် ဦးဆောင်ဂိုး သွင်းယူ ပေးနိုင်ခဲ့ပါတယ် ။
အာဆင်နယ် အသင်း ရဲ့ လူငယ် တိုက်စစ်မှူး တိုင်ရီ ဂျွန်ဂျူးစ် ဟာ လိဂ်ဝမ်းကလပ် ဒွန်ကတ်စတာ ရိုဗာစ် အသင်းကို တစ်ရာသီ အငှား နဲ့ ပြောင်းရွှေ့သွားခဲ့ပြီ ဖြစ်ပါတယ် ။ ဂျွန်ဂျူးစ် ဟာ ပြီးခဲ့တဲ့ ရာသီတုန်းကလည်း လင်ကွန်း စီးတီးမှာ အငှား သွားရောက် ကစားခဲ့ပါတယ် ။
အာဆင်နယ် အသင်းဟာ မနေ့က လေ့ကျင့်ရေး ကွင်းက ပုံရိပ်တွေကို ထုတ်ဖော် ပြသခဲ့ပြီး ကစားသမားသစ် ဂါဘရီရဲလ် အပါအဝင် အူဘာမီယန်း ၊ ဝီလီယံ ၊ ချိန်ဘာ ၊ ဆာလီဘာ ၊ ဘယ်လာရင် ၊ရှာကာ ၊ စီဘာယောစ့် ၊ မက်မာစီ ၊ တော်ရီးယား ၊ ဝီးလော့ ၊ မာတီနက်ဇ် ၊ အိုလာရင်ကာ ၊လီနို ၊ အယ်နီနီ ၊ ဟိုးလ်ဒင်း ၊ လူးဝဇ် ၊ အိုဇေးလ် ၊ လာကာဇက် ၊ ဆစ်ဒရစ် ၊ ပက်တီနို ၊ ခရွန် အက်ဝက်ဒ် ၊ မာဆယ်လို ဖလောရက်စ် ၊ ဟင်နရီ ဂျက်ကော့ဖ် တို့ကို တွေ့ရပါတယ် ။
လာမယ့် ရာသီမှာ အာဆင်နယ် အသင်း ဝတ်ဆင်မယ့် တတိယ ဝတ်စုံ ကို တရားဝင် ကြေညာခြင်း မရှိသေးပေမယ့် ဓါတ်ပုံတွေကတော့ ထွက်ပေါ် နေပြီး ပရိသတ်တွေရဲ့ ကြိုက်နှစ်သက်မှုကို ရရှိ နေပါတယ် ။
အီတလီ သတင်းစာ Firenze Viola ရဲ့ အဆိုအရ တော်ရီးယား ကို ခေါ်ယူဖို့ရာ ဖီအိုရင်တီးနား က ခေါ်ဖို့ လက်လျှော့ လိုက်ပြီလို့ သိရပါတယ် ။ အာဆင်နယ် အသင်းဟာ တော်ရီးယား အတွက် ယူရို သန်း ၃၀ အလို ရှိနေပြီး ဖီအိုရင်တီးနားရဲ့ ယူရို ၂၅ သန်းနဲ့ ကမ်းလှမ်းမှုကို ပယ်ချ လိုက်တာပါ ။ တော်ရီးယား ကို ခေါ်ယူဖို့ အသင်းဟောင်း ဆမ်ဒိုရီးယား နဲ့ တိုရီနို တို့က ချိတ်ဆက်နေတယ်လို့လည်း သိရပါတယ် ။
