အာဆင်နယ်အသင်း၏ တောင်ပံကစားသမား ဆာကာက လက်ရှိအသင်းသည် မိမိအမြဲကစားလိုသည့် အသင်းဖြစ်သည်ဟု ပြောကြားခဲ့သည်။
ဆာကာသည် အာဆင်နယ်အသင်းနှင့် သက်တမ်းတိုးရန် အဆင်မပြေဖြစ်နေကြောင်း သတင်းထွက်နေပြီး Sky Sports က တွေ့ဆုံမေးမြန်းမှုပြုလုပ်ခဲ့ရာတွင် ၎င်းကယင်းကဲ့သို့ပြောကြားခဲ့ခြင်းဖြစ်သည်။
ဆာကာက “အာဆင်နယ်အသင်းဟာ အမြဲတမ်း ကျွန်တော်ကစားချင်တဲ့အသင်း ဖြစ်ခဲ့တယ်လို့ ထင်ပါတယ်။ ကျွန်တော့်မိသားစုရဲ့ နှလုံးသားထဲမှာ ရှိနေတဲ့အသင်းလည်းဖြစ်တာကြောင့် ငယ်ငယ်ကတည်းက ဒီအသင်းကို ရွေးချယ်ဖြစ်ခဲ့တာပါ”ဟု ပြောကြားခဲ့သည်။
