နိုင်ငံတကာပွဲစဉ်များအား ယခုယှဉ် ပြိုင်ကစားနေသည့်ပုံစံအစား အောက်တိုဘာလတစ်လတည်းသာ ယှဉ်ပြိုင်ကစားသွားဖွယ်ရှိသည့် ကမ္ဘာလုံးဆိုင်ရာ ဘောလုံးဖွံ့ဖြိုးတိုးတက်ရေးအကြီးအကဲ အာစင်ဝင်းဂါးနှင့် FIFA ၏အစီအစဉ်မှာ အဓိပ္ပာယ်မရှိကြောင်း အင်္ဂလန်အသင်းနည်းပြ ဆောက်ဂိတ်က ဝေဖန်ခဲ့သည်။
အာစင်ဝင်းဂါးသည် နိုင်ငံလက်ရွေး စင်အသင်းပွဲများအတွက် ကစားသမားများ သွားရောက်ကစားမည့်အရေအတွက်ကို လျှော့ချရန်အတွက် နွေရာသီကာလ၌ ကျင်းပမည့် မေဂျာပြိုင်ပွဲတစ်ပွဲမတိုင်မီ အောက်တိုဘာလ တစ်လတည်းတွင် နိုင်ငံတကာပွဲများ ယှဉ်ပြိုင်ကစားသွားရန် အကြံပြုထားခြင်းဖြစ်သည်။
ဟန်ဂေရီနှင့်ပွဲအတွက် ပြုလုပ်ခဲ့သော ပွဲကြို သတင်းစာရှင်းလင်းပွဲတွင် ဆောက်ဂိတ်က ယင်းအစီအစဉ်နှင့်ပတ်သက်သည့် သူ၏သဘောထားကို မီဒီယာများသို့ ပြောကြားခဲ့ခြင်းဖြစ်သည်။
“ဒါက (နိုင်ငံတကာပွဲစဉ်များ ကစားမည့်ကာလ) တစ်နှစ်မှာ တစ်ကြိမ်ပဲ ရှိတော့မယ်လို့ ကျွန်တော် ယူဆပါတယ်။ ကစားသမားတစ်ယောက်ဟာ အောက်တိုဘာလမှာ ဒဏ်ရာရထားရင် အဲဒီနှစ်တစ်နှစ်လုံး သူက နိုင်ငံတကာပွဲတွေ မကစားရတော့ ပါဘူး။ နိုင်ငံတကာဘောလုံးက FIFA လုပ်ဆောင်နေတဲ့အရာတွေထဲမှာ အရေးအကြီးဆုံးအစိတ်အပိုင်းတစ်ခုပါ။ FIFA ရဲ့သဘောထားကို ကျွန်တော့်အနေနဲ့ အမှန်တကယ် နားမလည်ပါဘူး။ ဒါက ကျွန်တော့်အမြင် တော့ အဓိပ္ပာယ်လုံးဝမရှိပါဘူး”ဟု ဆောက်ဂိတ်က ပြောကြားခဲ့သည်။
