လက်စတာအသင်းနည်းပြ ဘရန်ဒန်ရော်ဂျာက ယခုလကုန်ပိုင်းနှင့် လာမည့်မတ်လဆန်းပိုင်းအတွင်း ကစားရမည့် ပွဲကျပ်ကာလကို အခက်အခဲမရှိ ဖြတ်ကျော်နိုင်မည်ဟု ယုံကြည်ကြောင်းပြောကြားခဲ့သည်။
လက်စတာအသင်းသည် ယခုဖေဖော်ဝါရီလ(၂၆) ရက်မှ လာမည့်မတ်လ(၇)ရက်နေ့အထိ (၁၀) ရက်အတွင်း ယူရိုပါလိဂ်ပွဲစဉ်(၁)ပွဲနှင့် ပရီးမီးယားလိဂ်ပွဲစဉ်(၃)ပွဲတို့ကို ကစားရမည်ဖြစ်သည်။
ဘရန်ဒန်ရော်ဂျာက” အသင်းမှာ တည်ငြိမ်မှုရရှိဖို့အတွက် ဟန်ချက်ညီဖို့ လိုအပ်ပါတယ်။ ကျွန်တော်တို့မှာ ရှိတဲ့အားအင်နဲ့ ဘယ်လိုထိန်းညှိကစားမလဲဆိုတာပေါ့။ ကစားသမားတွေကိုလည်း အတတ်နိုင်ဆုံး လန်းဆန်းတက်ကြွမှုရှိအောင် ပြုလုပ်ရမှာဖြစ်ပါတယ်။ တည်တည်ငြိမ်ငြိမ်နဲ့ အသင်းနိုင်ပွဲတွေရအောင် ကြိုးစားသွားမှာပါ”ဟု ပြောကြားခဲ့သည်။
