ဝက်စ်ဟမ်း ယူနိုက်တက် နည်းပြ ဒေးဗစ် မိုရက်စ် က ဂျက်ဆီ လင်ဂတ် ဟာ အင်္ဂလန် လက်ရွေးစင် နည်းပြ ဂါရတ် ဆောက်ဂိတ် ကို ပြန်လည် ဆွဲဆောင် လာနိုင်တော့မယ် လို့ ကြုံးဝါး ပြောဆို သွားခဲ့ ပါတယ် ။ လင်ဂတ် ဟာ ဆောက်ဂိတ် ရဲ့ ၂၀၁၈ ကမ္ဘာ့ ဖလား ပြိုင်ပွဲဝင် အင်္ဂလန် အသင်းမှာ ပုံမှန် ပွဲထွက် ကစားခွင့် ရခဲ့တဲ့ အဓိက ကစား သမား တစ်ဦး ဖြစ်ခဲ့ ဖူးပါတယ် ။ နောက်ပိုင်း မှာတော့ ကလပ် အတွက် ကစားခွင့် နည်းပါး လာမှုဟာ လင်ဂတ် ကို လက်ရွေးစင် နဲ့ ဝေးကွာ စေခဲ့ ပါတယ် ။
လင်ဂတ် ဟာ ဇန်နဝါရီ အပြောင်း အရွှေ့ ရဲ့ နောက်ဆုံးနေ့ မှာတော့ ကစားခွင့် မရရှိတဲ့ မန်ချက်စတာ ယူနိုက်တက် ကနေ ဝက်စ်ဟမ်း ကို ရာသီဝက် အငှားနဲ့ ပြောင်းရွှေ့ ရောက်ရှိ လာခဲ့ ပါတယ် ။ ယမန်နေ့ ညမှာတော့ လင်ဂတ် ဟာ လန်ဒန် ကလပ် အတွက် ပထမဆုံး ပွဲစဉ်ကို ပါဝင် ကစား ခဲ့ရ ပါတယ် ။
ဝက်စ်ဟမ်း ဟာ အက်စတွန်ဗီလာ အသင်း ကို အဝေးကွင်းမှာ သွားရောက် ယှဉ်ပြိုင် ခဲ့ပြီး ၃ – ၁ ဆိုတဲ့ ရလဒ် နဲ့ အနိုင် ရခဲ့ ပါတယ် ။ ဒီပွဲမှာ လင်ဂတ် ဟာ ဝက်စ်ဟမ်း ယူနိုက်တက် အတွက် ၂ ဂိုး သွင်းပေး ခဲ့ပြီး ပုံစံကောင်း ပြသ နိုင်ခဲ့ ပါတယ် ။
ပွဲအပြီး မှာတော့ မန်ချက်စတာ ယူနိုက်တက် နည်းပြဟောင်း ဖြစ်ခဲ့ ဖူးတဲ့ ဒေးဗစ် မိုရက်စ် က သူ့ရဲ့ တပည့်ဟောင်း ဟာ အင်္ဂလန် နည်းပြ ဆောက်ဂိတ် ကို ပြန်ပြီး စိတ်ဝင်စား လာအောင် ဆွဲဆောင် နိုင်လိမ့်မယ် လို့ ပြောဆို သွားခဲ့ပါတယ် ။ ( နည်းပြ ဆောက်ဂိတ် ဟာ ဗီလာ ပါ့ခ် မှာ ကစားတဲ့ ပွဲကို လာရောက် ကြည့်ရှု သွားခဲ့ တာပါ )
“တကယ်လို့ လင်ဂတ် သာ ဒီနေ့ ပွဲကလို ပုံစံမျိုး ဆက်ပြီး ကစားနိုင်မယ် ဆိုရင် ဆောက်ဂိတ် က သူ့ အိမ်တံခါးကို လာခေါက်မှာ အသေအချာ ပါပဲ ။ ဂျက်စီ က သူ့ကိုယ်ပိုင် ဆုံးဖြတ်ချက်တွေ ၊ ရည်ရွယ်ချက် တွေ နဲ့ စိန်ခေါ်မှုတွေ အပြည့် ရှိပါတယ်”
“သူ ဘာလုပ် နိုင်တယ် ဆိုတာကို လူတွေ သိအောင် ပြချင်တဲ့ စိတ်လည်း ရှိပါတယ် ။ ဒီနေ့ ညမှာ သူ တကယ် ကောင်းအောင် ကစားပြ နိုင်ခဲ့တာပါ ။ အင်္ဂလန် ရဲ့ ယူရို ပြိုင်ပွဲဝင် အသင်းမှာ ပါချင်တဲ့ သူတွေ အများကြီးပါ ၊ ဒီလို ပါခွင့် ရအောင်လည်း ကစားခွင့်တွေ ရဖို့ အသင်းပြောင်းခဲ့ ကြတာပါ ။ ဂျက်ဆီ က သူ နဲ့ ထိုက်တန်တာ ကို ဆက်ပြီး ပြသ နိုင်မယ်လို့ မျှော်လင့် ပါတယ်” လို့ ဒေးဗစ် မိုရက်စ် က ပြောဆို သွားခဲ့ ပါတယ် ။
ဒီ နိုင်ပွဲဟာ ဝက်စ်ဟမ်း ကို အဆင့် ၅ နေရာမှာ ဆက်လက် တည်မြဲ နေစေ ခဲ့ပြီး ဘရိုက်တန် ကို ၁ – ၀ နဲ့ ရှုံးနိမ့် ခဲ့တဲ့ လီဗာပူး နဲ့ ၂ မှတ် အကွာကို ရောက်ရှိ လာစေခဲ့ ပါတယ် ။
“ကျွန်တော်တို့ တစ်ဆင့်ချင်း ဆက်သွား ရမှာပါ ။ လက်ရှိ အမှတ်ပေး ဇယားမှာ ကျွန်တော်တို့ ရဲ့ ရပ်တည်မှု က ကောင်းပါတယ် ။ ကစား သမားတွေလည်း တိုးတက်မှု ရှိလာ ပါပြီ ။ သူတို့ရဲ့ တံခါး ( ချန်ပီယံလိဂ် ဝင်ခွင့် ) ကို ဆက်ပြီး ခေါက်နေ မှာပါ ၊ ဘယ်အချိန် ဝင်ခွင့် ရမလဲ ဆိုတာကတော့ မပြောနိုင် ပါဘူး” လို့ မိုရက်စ်က ပြောဆို သွားခဲ့ ပါတယ် ။
ဝက်စ်ဟမ်း အတွက် ဒီရာသီမှာ ဂိုးသွင်းကောင်း နေတဲ့ တိုမက်စ် ဆူချက် က ၅၁ မိနစ် မှာ အဖွင့်ဂိုး စသွင်း ပေးခဲ့ပြီး လင်ဂတ် က ၂ – ၀ ဖြစ်စေမယ့်ဂိုးကို ၅ မိနစ် အကြာမှာ သွင်းပေးခဲ့ ပါတယ် ။
ပွဲပြီးဖို့ ၉ မိနစ် အလို မှာတော့ အိုလီ ဝက်ကင်းက ဗီလာ အတွက် ၁ ဂိုးပြန် ချေပခဲ့ပြီး သရေ ရလဒ်ထွက်ပေါ်ဖို့ ကြိုးစားခွင့် ပေါ်လာခဲ့ ပါတယ် ။ ဒါပေမယ့် ဒီမျှော်လင့်ချက် တွေကို လင်ဂတ် က ၂ မိနစ် အကြာမှာပဲ သွင်းဂိုး နဲ့ ငြိမ်းသတ် ခဲ့ပြီး ၃-၁ ရလဒ် နဲ့ ပြီးဆုံး သွားစေခဲ့ ပါတယ် ။
