ာဆင်နယ်အသင်းနည်းပြ အာတီတာက ယခု ဇန်နဝါရီအပြောင်းအရွှေ့ကာလတွင် ကစားသမားရှင်းထုတ်ရေးမှာ ဦးစားပေးဖြစ်ကြောင်းနှင့် ယင်းအစီအစဉ် အကောင်အထည်ဖော်နိုင်မှသာ ကစားသမားသစ် ပြန်လည်ခေါ်ယူနိုင်မည်ဖြစ်ကြောင်း အတည်ပြု ပြောကြားသည်။
အာဆင်နယ်အသင်းသည် ပြီးခဲ့သည့်နွေရာသီအပြောင်းအရွှေ့ကာလတွင် ဂိုးသမား မာတီနက်ဇ်နှင့် ကွင်းလယ်လူ မစ်ခီတာရီယန်ကို ထွက်ခွာခွင်ပြုခဲ့သလို ကွင်းလယ်လူ ဂွန်ဒူဇီနှင့် တော်ရဲရားတို့ကို အငှားချခဲ့သည်။
အာဆင်နယ်အသင်းသည် ယခု ဇန်နဝါရီအပြောင်းအရွှေ့ကာလတွင်လည်း အသင်းနောက်ခံလူ ကိုလာရှီနက်ကို အသင်းဟောင်း ရှော်လ်ကေးထံ ပြန်လည်အငှားချလိုက်ပြီဖြစ်သည်။
ထို့ပြင် အာတီတာ၏ အနာဂတ်စီမံကိန်းတွင် ပါဝင်ခြင်းမရှိသည့် ကွင်းလယ်လူ အိုဇေးလ်နှင့် နောက်ခံလူ မူစတာဖီတို့မှာလည်း ထွက်ခွာရရန် နီးစပ်နေကြောင်း သိရသည်။
ဇန်နဝါရီတွင်ပြုလုပ်မည့် အစီအစဉ်နှင့် ပတ်သက်၍ အာတီတာက “ကျွန်တော်တို့ အသင်းရဲ့လူစာရင်းက အရမ်းများနေတယ်ဆိုတာ သိပါတယ်။ ကိစ္စတော်တော်များများကို နွေရာသီမှာကတည်းက လုပ်ခဲ့သင့်ပေမဲ့ အကြောင်းအမျိုးမျိုးကြောင့် မလုပ်နိုင်ခဲ့ပါဘူး။ ကစားသမားတချို့ကတော့ အငှား ဒါမှမဟုတ် လမ်းခွဲရမှာပါ။ အခုအချိန်မှာ ဒီကိစ္စ က ဦးစားပေးအစီအစဉ်ပါပဲ။ မဖြစ်မနေ လိုအပ်တဲ့နေရာတွေကလွဲပြီး အများကြီး မထားနိုင်ပါဘူး။ အဲဒါတွေလုပ်ပြီးရင်တော့ လိုအပ်တဲ့နေရာအတွက် သင့်တော်သူရှိရင် ခေါ်ယူနိုင်မလားဆိုတာ ကြည့်ရပါမယ်”ဟု ပြောကြားခဲ့သည်။
