စီးရီးအေပြိုင်ပွဲဥက္ကဋ္ဌ လိုရန်ဇိုကာဆီနီက အမေရိကန်တွင်ကျင်းပသည့် ပုံစံအတိုင်း စီးရီးအေ All-Star ပွဲစဉ် ယှဉ်ပြိုင်ကစားရန် စဉ်းစားသွားမည်ဖြစ်ကြောင်း ထုတ်ဖော်ပြောကြားခဲ့သည်။
ချယ်လ်ဆီးအသင်းပိုင်ရှင်ဖြစ်သူ အမေရိကန်သူဌေး တော့ဒ်ဘိုလီက အင်္ဂလန်နိုင်ငံ တောင်ပိုင်းနှင့် မြောက်ပိုင်းရှိ ပရီးမီးယားလိဂ် ကလပ်များအား All-Star ပွဲစဉ် ယှဉ်ပြိုင် ကစားစေပါက ဝင်ငွေများစွာရရှိနိုင်ကြောင်း ပြီးခဲ့သည့်ရက်ပိုင်းက ပြောကြားထားသည်။
ယင်းစိတ်ကူးနှင့်ပတ်သက်၍ စီးရီးအေပြိုင်ပွဲ ဥက္ကဋ္ဌ ကာဆီနီက “စီးရီးအေရဲ့ All-Star ပွဲကစားမယ့် စိတ်ကူးကလည်း အာရုံစိုက်ခံရဖို့ ထိုက်တန်ပါတယ်။ ကျွန်တော်တို့အနေနဲ့ ဒီပရောဂျက်ကို လေ့လာသွားပါမယ်။ ပြီးတော့ ကလပ်အသင်းတွေအတွက် အကျိုး၊
အပြစ်တွေအားလုံးကို တွက်ချက်သွားမှာပါ” ဟု ANSA သတင်းဌာနသို့ ပြောကြားခဲ့သည်။
