ပရီးမီးယားလိဂ် ထိပ်သီး မန်ချက်စတာ ယူနိုက်တက် အသင်းဟာ လက်ရှိ ဘောလုံး ရာသီ အတွင်း ချန်ပီယံလိဂ် ပြိုင်ပွဲကြီးမှာ PSG ၊ RB လက်ပ်ဇစ် နဲ့ အစ္စတန်ဘူလ် ဘာဆက်ဆီဟာ အသင်း တွေကို တစ်ပွဲစီ အနိုင် ကစား ထားနိုင် ခဲ့ပြီး အစ္စတန်ဘူလ် ကိုတော့ အဝေးကွင်းမှာ ရှုံးနိမ့် ထားခဲ့ ပါတယ် ။
အခုတော့ ယူနိုက်တက် တို့ဟာ အုပ်စု ပွဲစဉ် 4 ပွဲ ကစားအပြီး ရမှတ် 9 မှတ် အထိ စုဆောင်း ထားနိုင် ခဲ့ပြီ ဖြစ်တဲ့ အတွက် နောက်ထပ် တစ်မှတ် ရှာဖွေ နိုင်ဖို့ အတွက် ဆက်လက် အားထုတ် ရမှာပဲ ဖြစ်ပါတယ် ။ ဒါကို PSG နဲ့ ပွဲစဉ်မှာ လုပ်နိုင်ရင် ယူနိုက်တက်တို့ ပွဲစဉ် 5 မှာပဲ နောက်တစ်ဆင့် တက်နိုင်ပါ လိမ့်မယ် ။
အခြား တစ်ဖက် မှာတော့ PSG နဲ့ RB လက်ပ်ဇစ် အသင်း တွေဟာ ပွဲစဉ် 4 ပွဲ ကစား အပြီးမှာ ရမှတ် 6 မှတ်စီ ကိုယ်စီ စုဆောင်း ထားနိုင်ခဲ့ ကြပြီး လက်ကျန် နှစ်ပွဲ အဖြစ် မန်ချက်စတာ ယူနိုက်တက် နဲ့ အစ္စတန်ဘူလ် ဘာဆက်ဆီဟာ အသင်း တွေကို ဆက်လက် ရင်ဆိုင် ရမှာပဲ ဖြစ်ပါတယ် ။
ဒါ့ကြောင့် PSG အသင်းဟာ တက်နိုင်သလောက် ရမှတ်တွေကို စုဆောင်း နိုင်ဖို့ ၊ မန်ချက်စတာ ယူနိုက်တက် အသင်းကို အနိုင်တိုက် နိုင်ဖို့ အတွက် နေမာ ၊ အမ်ဘက်ပီ တို့ ဦးဆောင်မယ့် ‘ တိုက်စစ် ၊ တိုက်စစ် ၊ တိုက်စစ် ‘ ဆိုတဲ့ ကစားကွက်မျိုး ထုတ်သုံး လာဖွယ် ရှိနေ ပါတယ် ။
အခုတော့ ယူနိုက်တက် ကွင်းလယ်လူ ဖရက်ဒ် က သူဟာ နေမာ နဲ့ အတူ တွဲ ကစား ဖူးကြောင်း ( ဘရာဇီး လက်ရွေးစင် အသင်း မှာ ) ၊ PSG အသင်း ရဲ့ တိုက်စစ် အမြန် ကစားပုံ နဲ့ အနှေး ကစားပုံ တွေကို ကြိုတင် လေ့လာကြည့်ရှုပြီး အကောင်းဆုံး ပြင်ဆင် သွားဖို့ လိုအပ်ကြောင်း ဖွင့်ဟ သွားခဲ့လိုက် ပါတယ် ။
” ဘဲကြီးရေ ၊ ကျွန်တော် တို့ဟာ သူတို့ အကြောင်း တွေကို ကောင်းကောင်း သိရှိကြ ပါတယ် ။ အဲ့ဒီ အသင်းမှာ ရှိတဲ့ ကစားသမားတွေ အကြောင်းကို ကျွန်တော်တို့ အများကြီး သိရှိ ထားခဲ့ကြ ပါတယ် ။ ကျွန်တော်ဟာ နေမာ နဲ့လည်း အချိန်တွေ အများကြီး အတူ တွဲဖက် ကစားခဲ့ဖူး ပါတယ် ”
” အဲ့တာကြောင့် အခု လာမယ့် ပွဲစဉ် မတိုင်မီမှာ ကျွန်တော်တို့ တွေဟာ သူတို့ ကစားခဲ့ ကြတဲ့ ဗွီဒီယိုဖိုင်တွေ အများကြီးကို ကြိုတင် လေ့လာ ကြည့်ရှု သွားဖို့ ၊ လိုအပ်တဲ့ ကြိုတင် ပြင်ဆင်မှု တွေကို လုပ်ဆောင် သွားကြဖို့ လိုအပ် နေပါ လိမ့်မယ် ”
” သူတို့ ဘယ်တောင်ပံက လာသည် ဖြစ်စေ ၊ ညာတောင်ပံက လာသည် ဖြစ်စေ ၊ ဒါမှမဟုတ် အရှိန်မြှင့် ပြေးလွှား ကစားတာပဲ ဖြစ်ဖြစ် ၊ အရှိန် တုန့်နှေးပြီး ကစားတာပဲ ဖြစ်ဖြစ် ၊ သူတို့ ကစား နိုင်စွမ်း ရှိတဲ့ ပုံစံ တွေကို ခုခံ ကာကွယ် နိုင်ဖို့ အတွက်တော့ ကျွန်တော်တို့ သေချာပေါက် ကြိုတင် ပြင်ဆင် ကြရ ပါ့မယ် ”
” သူတို့ တွေဟာ ပွဲချိန်ရဲ့ မိနစ် တိုင်းမှာ ပွဲအဖြေကို ပြောင်းလဲ ပေးနိုင်စွမ်း ရှိတယ် ဆိုတာကို ကျွန်တော်တို့ သိရှိ ထားကြ ပါတယ် ။ ဒါ့ကြောင့် ကျွန်တော် တို့လည်း မိနစ်တိုင်း သတိ ရှိရှိ နဲ့ ရင်ဆိုင် ကစား နိုင်ဖို့ လိုအပ် နေပါ လိမ့်မယ် ” လို့ ဖရက်ဒ် က အသင်းဖော် တွေကို သတိပေး သွားခဲ့လိုက် ပါတယ် ။
