အင်တာမီလန်တွင် လူကာကူ ပြန်လည်ပျော်ရွှင်နေပြီဟု မာတီနက်ဇ် ဆို

ဘယ်လ်ဂျီယံလက်ရွေးစင်အသင်းနည်းပြ ရောဘတ်တိုမာတီနက်ဇ်က အင်တာမီလန်အသင်းတွင် လူကာကူ ပြန်လည်ပျော်ရွှင်နေသည်ကို မိမိ မြင်တွေ့ရသည်ဟု ပြောကြားခဲ့သည်။

ဘယ်လ်ဂျီယံလက်ရွေးစင်တိုက်စစ်မှူး လူကာကူသည် ပြီးခဲ့သည့် ၂၀၂၁ နွေရာသီက အင်တာမီလန်မှ ချယ်လ်ဆီးအသင်းသို့ ကလပ်စံချိန်တင်ပြောင်းရွှေ့ကြေး ပေါင် (၉၇.၅) သန်းဖြင့် ပြောင်းရွှေ့ခဲ့သည်။

သို့သော် ၎င်းသည် ချယ်လ်ဆီးတွင် ခြေစွမ်းမပြနိုင်ခြင်းမရှိသဖြင့် ယခုနွေရာသီအပြောင်းအရွှေ့ကာလတွင် အင်တာမီလန်အသင်းထံသို့ တစ်ရာသီ အငှားဖြင့် ပြန်ရောက်လာခြင်းဖြစ်သည်။

မာတီနက်ဇ်က “ကစားသမားတစ်ယောက် ပြုံးနေတာ မြင်ရရင် ကျွန်တော် အရမ်းပျော်ပါတယ်။ လူကာကူကို ပြီးခဲ့တဲ့ရက်သတ္တပတ်တွေမှာ အကြိမ်ပေါင်းများစွာ ပြုံးနေတာ မြင်တွေ့ရပါတယ်။ အင်တာကိုပြန်လာတာ သူ့စွမ်းရည်အတွက် အကောင်းဆုံးစမ်းသပ်မှုဖြစ်လာပါလိမ့်မယ်”ဟု ဆိုခဲ့သည်။

လူကာကူသည် အင်တာမီလန်အသင်းအတွက် ကစားခဲ့သည့် ၂၀၂၀-၂၁ ရာသီတွင် ပြိုင်ပွဲစုံ (၄၄) ပွဲတွင် ဂိုး (၃၀) အထိ သွင်းယူနိုင်ခဲ့သော်လည်း ပြီးခဲ့သည့် ၂၀၂၁-၂၂ ရာသီတွင် ချယ်လ်ဆီးအတွက် ပြိုင်ပွဲစုံ (၄၄) ပွဲတွင် (၁၅) ဂိုးသာ သွင်းယူနိုင်ခဲ့သည်။