မန်စီးတီးအသင်းသည် အသင်း၏ဝါရင့် တိုက်စစ်မှူး အဂွဲရိုးအား စာချုပ်သက်တမ်း (၁)နှစ်တိုးရန် စီစဉ်နေကြောင်း Daily Mail သတင်းစာက ဖော်ပြခဲ့သည်။
အသက်(၃၂) နှစ်အရွယ်ရှိပြီဖြစ်သူ အဂွဲရိုးသည် မန်စီးတီး အသင်းနှင့် ၂၀၂၁ ခုနှစ်တွင် စာချုပ်သက်တမ်းကုန်ဆုံးမည်ဖြစ်ပြီး အသင်းနှင့်လမ်းခွဲချိန်၌ သူ၏အသင်းဟောင်းဖြစ်သော အာဂျင်တီးနားကလပ် အင်ဒီပန်ဒီယန်တေအသင်းသို့ ပြောင်း ရွှေ့ကစားမည်ဟု သတင်းများထွက်ပေါ်နေသည်။
မန်စီးတီးအသင်းတာဝန်ရှိသူများသည် အသင်းသမိုင်းတစ်လျှောက် ဂိုးအများဆုံးသွင်းသူအဖြစ် စံချိန်တင်ထားသော အဂွဲရိုးအား လက်မလွှတ်လိုဘဲ အသင်းတွင် ဆက်ရှိစေလို ခြင်းကြောင့် စာချုပ်သစ်ချုပ်ဆိုရန်စီစဉ်နေ ခြင်းဖြစ်ကြောင်း သိရှိရသည်။
မန်စီးတီးနည်းပြ ဂွါဒီယိုလာအနေဖြင့် အပြောင်းအရွှေ့စျေးကွက်တွင် တိုက်စစ်မှူးတစ်ဦး ရှာဖွေသွားမည်ဖြစ်သော်လည်း အဂွဲရိုးကိုမူ တစ်နှစ် ထပ်မံသက်တမ်းတိုးရန် စီစဉ်နေခြင်းဖြစ်သည်။
အဂွဲရိုးမှာ လက်ရှိတွင် ဒူးဒဏ်ရာခွဲစိတ်မှုကြောင့် အနားယူနေရပြီး ရီးယဲလ်အသင်းနှင့် ချန်ပီယံလိဂ် (၁၆)သင်းအဆင့် ဒုတိယအကျော့ပွဲကိုလည်း လွဲချော်မည်ဖြစ်ကြောင်း သိရသည်။
