မန်ယူအသင်း၏ နည်းပြ ရန်းနစ်က အက် သလက်တီကိုအသင်းနှင့် ယှဉ်ပြိုင်ကစားရမည့် ချန်ပီယံလိဂ်ပွဲတွင် တိုက်စစ်မှူး စီရော်နယ်လ်ဒို ၏ နောက်ထပ်ဟက်ထရစ်ကို မြင်တွေ့ရနိုင် သည်ဟု ပြောကြားခဲ့သည်။
စီရော်နယ်လ်ဒိုသည် စပါးနှင့် ယှဉ်ပြိုင်ခဲ့ သည့် ပရီးမီးယားလိဂ်ပွဲတွင် ဟက်ထရစ်သွင်း ယူကာ ခြေစွမ်းပြနိုင်ခဲ့ပြီးနောက် အက်သလက် တီကိုနှင့်ပွဲ၌ ထပ်မံခြေစွမ်းပြလိမ့်မည်ဟုလည်း ထင်ကြေးပေးခံနေရသည်။ စီရော်နယ်လ်ဒို သည် ကစားသမားဘဝတစ်လျှောက် ဟက်ထ ရစ် (၅၉)ကြိမ် သွင်းယူခဲ့ရာတွင် ရီးယဲလ်အ သင်းအတွက် အများဆုံးသွင်းယူခဲ့သလို၊ ဟက် ထရစ်အများဆုံးသွင်းယူနိုင်ခဲ့သည့် ပြိုင်ဘက်အ သင်းမှာလည်း ဆီဗီလာ(၅ ကြိမ်)နှင့် အက်သ လက်တီကို(၄ ကြိမ်)ဖြစ်ကြောင်း သိရသည်။
ယင်းအတွက် ရန်းနစ်က ”အက်သလက်တီကိုနဲ့ ပွဲမှာ စီရော်နယ်လ်ဒိုရဲ့ နောက်ထပ်သွင်းဂိုး(၃)ဂိုး ကို မြင်တွေ့ရနိုင်ပါတယ်။ လက်ရှိ သူ့ရဲ့ စွမ်း ဆောင်ရည်က အလွန်ကောင်းနေပါတယ်။ မ နက်ဖြန်လည်း သူ့ရဲ့ စွမ်းဆောင်ရည်ကောင်းကို ထပ်ရဖို့ မျှော်လင့်ပါတယ်” ဟု ပြောကြားခဲ့သည်။ ရန်းနစ်က စပါးပွဲနည်းတူ ယင်းပွဲတွင်လည်း အ နိုင်ရမည်ဟု ယုံကြည်ကြောင်း ပြောကြားခဲ့သည်။
