မန်ချက်စတာ ယူနိုက်တက် အသင်းဟာ မနေ့ည တုန်းက ပရီးမီးယားလိဂ် ပြိုင်ဖက် အက်စတွန်ဗီလာ အသင်းနဲ့ ရာသီကြို ခြေစမ်းပွဲ ကစား ခဲ့ပြီး 1 – 0 ဆိုတဲ့ ရလဒ် နဲ့ ရှုံးနိမ့် သွားခဲ့ ပါတယ် ။ ဒါပေမယ့် နည်းပြ ဆိုးလ်ရှား ကတော့ အဆိုပါ ရှုံးပွဲမှ အပေါင်း လက္ခဏာ ဆောင်တဲ့ အရာတွေ ပြောပြ သွားခဲ့ ပါတယ် ။
အဆိုပါ ပွဲစဉ် မှာတော့ ယူနိုက်တက် အသင်း ရဲ့ ကစားသမား သစ် ဖြစ်တဲ့ ဒွန်နီ ဗန်ဒီ ဘိခ် နဲ့ အသင်းဆီ ပြန်ရောက် လာခဲ့တဲ့ အကယ်ဒမီထွက် ဂိုးသမားလေး ဒင်းန် ဟန်ဒါဆန် တို့ဟာ ပါဝင် ကစားခွင့် ကိုယ်စီ ရရှိခဲ့ကြ ပါတယ် ။ ဒါဟာ ယူနိုက်တက် အတွက် သူတို့ရဲ့ ပထမဆုံး ပွဲစဉ် ဖြစ်ခဲ့ရ ပါတယ် ။
အခုတော့ မန်ချက်စတာ ယူနိုက်တက် အသင်းဟာ 19 ရက်နေ့မှာ ရာသီ အသစ် ရဲ့ ပထမဆုံး ပွဲစဉ် အဖြစ် ခရစ္စတယ် ပဲလေ့စ် အသင်းနဲ့ ရင်ဆိုင် ကစား ရပါတော့မယ် ။ အဆိုပါ ပွဲစဉ် မတိုင်မီ ယူနိုက်တက် နည်းပြ ဆိုးလ်ရှား က ကစားသမား သစ် နှစ်ဦး ရဲ့ စွမ်းဆောင်ရည် အပေါ် သဘောကျ မိကြောင်း ပရိသတ် တွေဆီ သတင်းကောင်း ပို့ဆောင် သွားခဲ့ ပါတယ် ။
” အပေါင်း လက္ခဏာ ဆောင်ကျဉ်းတဲ့ အရာ အချို့ ရှိခဲ့ရ ပါတယ် ။ ဒီနို ( ဒင်းန် ဟန်ဒါဆန် ) က သူဟာ အရည်အသွေး မြင့်တဲ့ ဂိုးသမား တစ်ဦး ဖြစ်တယ် ဆိုတာကို ပြသ နိုင်ခဲ့တယ် လို့ ကျွန်တော် ထင်မိ ပါတယ် ။ သူဟာ မန်ချက်စတာ ယူနိုက်တက် အသင်း ရဲ့ ဂိုးသမား တစ်ဦး ဖြစ်ကြောင်း လက်စွမ်း နဲ့ သက်သေ ပြနိုင်ခဲ့ ပါတယ် ”
” ဒွန်နီ ကတော့ ကွင်းလယ် ထဲမှာ တစ်ကယ့်ကို ကြီးကြီးမားမား အပေါင်း လက္ခဏာ ဆောင်ကျဉ်း နိုင်ခဲ့ပါတယ် ။ သူဟာ နေရာလွတ် တွေကို ရှာဖွေ ပေးနိုင်သူ တစ်ဦး ပါပဲ ။ သူဟာ အချိန်ကိုက် ရွေ့လျားမှု ၊ ပေးပို့မှု တွေနဲ့ အသင်းဖော် တွေနဲ့ သူကိုယ်တိုင် အတွက် အနေအထား ကောင်းတွေ ဖန်တီး ပေးနိုင် ပါတယ် ”
” ကျွန်တော် ကတော့ သူ့ရဲ့ ကွင်းအတွင်း စွမ်းဆောင်ရည် တွေနဲ့ ပတ်သက်လို့ အရမ်းပဲ ကျေနပ် ပျော်ရွှင်မိခဲ့ ပါတယ် ” လို့ ဆိုးလ်ရှား က ချီးကျူး စကား ဆိုသွား ခဲ့လိုက် ပါတယ် ။ ဗန်ဒီ ဘိခ် ဟာ ဒီနွေ အပြောင်း အရွှေ့ အတွင်း အေဂျက်ဇ် အသင်း မှ မန်ချက်စတာ ယူနိုက်တက် အသင်းဆီ ပေါင် သန်း 40 နဲ့ ရောက်ရှိ လာခဲ့ သူပဲ ဖြစ်ပါတယ် ။
ဒါပေမယ့် ယူနိုက်တက် အသင်းမှာ ပေါ့ဂ်ဘာ ၊ ဘရူနို ဖာနန်ဒက်စ် တို့လို တိုက်စစ် အားသန် ကွင်းလယ် ကစားသမားတွေ ရှိကြတဲ့ အတွက် ဆိုးလ်ရှားဟာ အသင်း ရဲ့ ကွင်းလယ်ကို ဘယ်လို တည်ဆောက် မလဲ ၊ ဘယ်သူ တွေကို ပွဲထွက် ကစားစေ မလဲ ဆိုတာ စိတ်ဝင်စားဖွယ် ဖြစ်နေ ခဲ့ရ ပါတယ် ။
အခြား တစ်ဖက် မှာတော့ ရှက်ဖီး ယူနိုက်တက် အသင်းမှာ အငှား ကစားရင်း နှစ်ရာသီ ဆက်တိုက် ပုံစံကောင်း တွေကို ပြသ ထားနိုင် ခဲ့တဲ့ ဒင်န် ဟန်ဒါဆန် ဟာ ဒီနွေ မှာ ယူနိုက်တက် အသင်းဆီ ပြန်လည် ရောက်ရှိ လာခဲ့ပြီး စာချုပ် သက်တမ်းလည်း တိုးမြှင့် ထားနိုင်ခဲ့ ပါတယ် ။
ဒါ့ကြောင့် ယူနိုက်တက် နည်းပြ ဆိုးလ်ရှားဟာ အသင်းရဲ့ ပွဲထွက် ကစားသမား အဖြစ် ဟန်ဒါဆန် နဲ့ ဒီဂီယာ အနက် ဘယ်သူ့ကို ရွေးချယ် ရမလဲ ဆိုတာ အခက်တွေ့ နိုင်ဖွယ် ရှိလာ နိုင်ပါ လိမ့်မယ် ။ လက်ရှိ အချိန် ထိတော့ ဝါရင့် ဂိုးသမား ဖြစ်တဲ့ ဒီဂီယာ ကပဲ ယူနိုက်တက် ရဲ့ နံပါတ် တစ် ဂိုးသမား ဖြစ်ဖို့ ရေပန်းစား နေခဲ့ ပါတယ် ။
အခြား တစ်ဖက် မှာတော့ ယူနိုက်တက် တို့ဟာ နောက်ထပ် ကစားသမား အင်အား ဖြည့်တင်းဖို့ စောင့်ကြည့် နေဆဲ ဖြစ်ပြီး လက်ရှိ အချိန် မှာတော့ ဒေါ့မွန် အသင်းမှ ညာ တောင်ပံ တိုက်စစ် ကစားသမား ဖြစ်သူ ဂျေဒန် ဆန်ချို ကို ဦးစားပေး ပစ်မှတ် အဖြစ် ခေါ်ယူဖို့ ဆန္ဒ ရှိနေတယ် လို့ သိရှိရ ပါတယ် ။
