ဟော်လန်းအား ခေါ်ယူမည်ဆိုသည့်သတင်းများကို အိုလီဗာခန်း ငြင်းဆန်ခဲ့ပြီး မြင့်မားသည့်ပြောင်းရွှေ့ကြေး ပေးချေနိုင်စွမ်းမရှိဟု ပြောကြား

ယခုနှစ်ကုန်ပိုင်းတွင် ဘိုင်ယန်မြူးနစ်အသင်း အမှုဆောင်ချုပ် ရူမင်နစ်ဂီ၏နေရာကို ဆက်ခံမည့် အိုလီဗာခန်းက လာမည့်နွေရာသီတွင် ဒေါ့မွန်တိုက်စစ်မှူး ဟော်လန်းအား ခေါ်ယူမည်ဆိုသော သတင်းများကို ငြင်းဆန်ခဲ့ပြီး မြင့်မားသည့်ပြောင်း ရွှေ့့ကြေးပေးချေနိုင်စွမ်းမရှိဟု ပြောကြားခဲ့သည်။

အသက် (၂၀)နှစ်အရွယ်ရှိ နော်ဝေတိုက်စစ်မှူး ဟော်လန်းသည် ဒေါ့မွန်အသင်းတွင် ခြေစွမ်းပြနိုင်ခြင်းကြောင့် ဥရောပထိပ်တန်းအသင်းကြီးများ၏ စိတ်ဝင်စားခြင်းကို ခံနေရသူဖြစ်သည်။

myan789

ဟော်လန်းကို ခေါ်ယူရန် စိတ်ဝင်စားသည့်အသင်းများထဲတွင် ဒေါ့မွန်အသင်း၏ ပြည်တွင်းပြိုင်ဘက် ဘိုင်ယန်မြူးနစ်အသင်းလည်းပါဝင်ပြီး လာမည့်နွေရာသီအပြောင်းအရွှေ့ကာလတွင် ခေါ်ယူရန်ကြိုးပမ်းမည်ဖြစ်ကြောင်း ဂျာမန်မီဒီယာများက ဖော်ပြခဲ့ကြသည်။

သို့သော် အိုလီဗာခန်းက အသင်း၏ လက်ရှိဘဏ္ဍာရေးအခြေအနေအရ ဟော်လန်းကို ခေါ်ယူရန် မတတ်နိုင်ကြောင်း ပြောကြားခဲ့သည်။

ဘိုင်ယန်မြူးနစ်ဂန္ထဝင်ဂိုးသမား အိုလီဗာခန်းက ” ဟော်လန်းကို ဘိုင်ယန်မြူးနစ်အသင်းခေါ်ယူမယ်လို့ ပြောနေကြတဲ့သူတွေဟာ အခြေအနေကို နားမလည်သူတွေသာ ဖြစ်ပါတယ်။ ဟော်လန်းကို ခေါ်မယ်ဆိုရင် အနည်းဆုံးယူရို(၁၀၀)သန်းကျော်မယ်ဆိုတဲ့ သတင်းတွေကို ကျွန်တော် ကြားရပါတယ်။ ယူရိုသန်း(၁၀၀)ဆိုတဲ့ ပမာဏဟာ လက်ရှိမှာ ဘိုင်ယန်မြူးနစ်အသင်းအတွက် စိတ်တောင် မကူးနိုင်တဲ့ ပမာဏတစ်ရပ်ဖြစ်ပါတယ်”ဟု ပြောကြားခဲ့သည်။

ထို့ပြင် အိုလီဗာခန်းက မိမိတို့အနေဖြင့် အသင်းတိုက်စစ်တွင် အသက် (၃၂)နှစ်ကျော်ပြီဖြစ်သည့် ပိုလန်တိုက်စစ်မှူး လီဝန်ဒေါစကီးကို အားကိုး၍ရသေးကြောင်းလည်း ပြောကြားခဲ့သည်။

လီဝန်ဒေါစကီးသည် ယခုရာသီ၌ ပြိုင်ပွဲစုံ(၃၈)ပွဲတွင် (၄၆)ဂိုးအထိ သွင်းယူထားသည်။

Similar Articles

Comments

LEAVE A REPLY

Please enter your comment!
Please enter your name here

Covid-19 Statistic

Advertismentspot_img

Instagram

Most Popular