ပြင်သစ်လက်ရွေးစင်နောက်ခံလူဟောင်း လီလီယန်သူရမ်က သားဖြစ်သူ မားကပ်စ်သူရမ်ကို ဘာစီလိုနာအသင်းတွင် ကစားစေလိုသည်ဟု ပြောကြားခဲ့သည်။
သူရမ်သည် ကစားသမားဘဝကို ဘာစီလိုနာအသင်းတွင် အဆုံးသတ်ခဲ့သူဖြစ်ပြီး သားနှစ်ဦးစလုံးမှာ ပရော်ဖက်ရှင်နယ်ကစားသမားများ ဖြစ်လာခဲ့သည်။
သူရမ်က သားနှစ်ဦးစလုံးကို အကောင်းဆုံးဖြစ်စေချင်ပြီး လက်ရှိအချိန်၌ ထိပ်တန်းကစားသမားတစ်ဦးအဖြစ် ရပ်တည်လာနိုင်ပြီဖြစ်သည့် မားကပ်စ်သူရမ်ကို ဘာစီလိုနာအသင်း၌ ကစားခွင့်ရစေလိုခြင်းမှာ ၎င်း၏ အိပ်မက်တစ်ခုဖြစ်သည်ဟု ဖွင့်ဟပြောကြားခဲ့ခြင်းဖြစ်သည်။
အသက် (၂၅) နှစ်အရွယ်ရှိ ပြင်သစ်လက်ရွေးစင်တိုက်စစ်မှူး မာကပ်စ်သူရမ်သည် လက်ရှိတွင် မိုချန်ဂလာဘတ်အသင်း၌ ကစားနေပြီး ၎င်း၏လက်ရှိစာချုပ်မှာ ယခုရာသီကုန်တွင် ကုန်ုဆုံးမည်ဖြစ်ကြောင်း သိရသည်။