မန်စီးတီးအသင်း၏ တိုက်စစ်ကစားသမား ဖိုဒန်က လီဗာပူးလ်အသင်းသည် ရာသီအစပိုင်း၌ ရလဒ်များ ဆိုးရွားနေသော်လည်း အန္တရာယ်ရှိနေဆဲဖြစ်ကြောင်း သုံးသပ်ပြောကြားခဲ့သည်။
လီဗာပူးလ်အသင်းသည် ယခုရာသီ ပရီးမီးယားလိဂ်အဖွင့် (၃) ပွဲတွင် နိုင်ပွဲမရသေးဘဲ (၂) ပွဲသရေ၊ (၁) ရှုံးဖြင့် ရမှတ် (၂) မှတ်သာ ရရှိထားပြီး အမှတ်ပေးဇယား အဆင့် (၁၆) နေရာသို့ ရောက်ရှိနေသည်။
သို့သော် မန်စီးတီးကွင်းလယ်ကစားသမား ဖိုဒန်က နောက်ပိုင်းနှစ်များတွင် မန်စီးတီးအသင်း၏ အနီးကပ်ဆုံး ပြိုင်ဘက်ဖြစ်ခဲ့သည့် လီဗာပူးလ်အသင်းကို လျှော့တွက်၍ မရကြောင်း ပြောကြားခဲ့ခြင်း ဖြစ်သည်။
ဖိုဒန်က “လီဗာပူးလ်က အမြဲတမ်း အန္တရာယ်ပေးနိုင်တဲ့ အသင်းတစ်သင်းအဖြစ် ရှိနေပါတယ်။ သူတို့မှာ ထိပ်တန်းနည်းပြတစ်ယောက်ရှိနေတာကြောင့်လည်း အရမ်းအန္တရာယ် ကြီးတဲ့အသင်းဖြစ်နေတာပါ။ လက်ရှိအချိန်မှာတော့ သူတို့တင်မဟုတ်ဘဲ အန္တရာယ်ပေးနိုင်တဲ့အသင်းတွေ အများကြီးရှိနေတာကြောင့် အကြိတ်အနယ်ရှိတဲ့ရာသီ ဖြစ်လာနိုင်ပါတယ်”ဟု ပြောကြားခဲ့သည်။
