ဗလင်စီယာ – မာယော့ကာ (မြန်မာစံတော်ချိန် အောက်တိုဘာလ ၂၃ ရက် ညနေ ၆:၃၀ နာရီ)
ဗလင်စီယာ နိုင်ပွဲရအောင် ပြန်ကစားပြရတော့မယ့် အချိန်ရောက်နေပါပြီ။ လာလီဂါနောက်ဆုံး (၅)ပွဲဆက် နိုင်ပွဲပျောက်ဆုံးထားတဲ့ ဗလင်စီယာအနေနဲ့ ဒီလိုပွဲမှာ အမှတ်ရှာနိုင်ဖို့လိုတယ်။ တန်းတက် မာယော့ကာကလည်း အဝေးကွင်းအားနည်းနေသေးတဲ့ အသင်းမျိုးဖြစ်နေလို့ အဝေးကွင်းမှာ ဗလင်စီယာရဲ့ အနိုင်ရလိုမှုကို ပွဲချိန်ပြည့်တောင့်ခံနိုင်ဖို့ မလွယ်နိုင်သေးဘူး။ အိမ်ကွင်းမှာ နိုင်ပွဲပြန်ရှာမယ့် ဗလင်စီယာကို မာယော့ကာ ထိန်းချုပ်နိုင်မှာမဟုတ်လို့ အိမ်ရှင်နဲ့ ဂိုးအများကိုပဲ ရွေးချယ်ထားချင်တယ်။
ကာဒစ်ဇ် – အလာဗတ်စ် (မြန်မာစံတော်ချိန် အောက်တိုဘာလ ၂၃ ရက် ည ၈:၄၅ နာရီ)
အလာဗတ်စ်က ထင်သလောက် တက်မလာဘူး ဖြစ်နေတယ်။ ကာဒစ်ဇ်ကလည်း အခုတလော တိုက်စစ်ပျောက်နေပုံနဲ့တော့ အလာဗတ်စ်ရဲ့ခံစစ်ကစားမှုကို ဖြိုခွဲနိုင်ဖို့ မလွယ်ပါဘူး။ ဂိုးနည်းသရေပွဲလို့ပဲ မှန်းထားချင်တယ်။
အယ်လ်ချီ – အက်စ်ပန်ညို (မြန်မာစံတော်ချိန် အောက်တိုဘာလ ၂၃ ရက် ည ၁၁:၀၀ နာရီ)
အဝေးကွင်းမှာ ဂိုးရဖို့ရုန်းနေရသေးတဲ့ အက်စ်ပန်ညိုရဲ့တိုက်စစ်က အယ်လ်ချီခံစစ်ကို ဖိအားပေးနိုင်ဖို့ မလွယ်လှသေးဘူး။ နောက်ဆုံးဆုံတွေ့ထားတဲ့ အယ်လ်ချီကွင်း ရလဒ်တွေအရ အယ်လ်ချီနဲ့ဂိုးအနည်းပဲ ရွေးထားသင့်တဲ့ပွဲလို့ ထင်တယ်။
ဘီလ်ဘာအို – ဗီလာရီးယဲလ် (မြန်မာစံတော်ချိန် အောက်တိုဘာလ ၂၄ ရက် နံနက် ၁:၃၀ နာရီ)
ဗီလာရီးယဲလ်ကတော့ ချန်ပီယံလိဂ်ဘက် အာရုံပိုရောက်နေပုံပါပဲ။ အခုလည်း ချန်ပီယံလိဂ်နဲ့ လာလီဂါအဝေးကွင်းနှစ်ပွဲ ဆက်နွှဲရမှာဆိုတော့ ဗီလာရီးယဲလ်ကို သိပ်မျှော်လင့်ထားလို့ မဖြစ်ဘူး။ ဘီလ်ဘာအိုက ခံစစ်ကိုပဲ အားပြုကစားသလို၊ ပေးဂိုး (၄)ဂိုးသာရှိသေးပြီး လာလီဂါမှာ ဆီဗီလာပြီးရင် ပေးဂိုးဒုတိယအနည်းဆုံးအသင်းအဖြစ် ရပ်တည်နေပါတယ်။ ဒီနှစ်သင်းဆုံရင် သရေပွဲတွေများသလို၊ ဂိုးလည်း သိပ်မသွင်းနိုင်ကြတဲ့ အစဉ်အလာတွေကရှိလို့ ဒီပွဲက ဂိုးရတဲ့အသင်း အနိုင်ရမယ့်ပွဲမျိုးလို့ ထင်တယ်။ ဘီလ်ဘာအိုကိုပဲ ပိုကြိုက်နေမိတယ်။
