လာမည့် ၂၀၂၁-၂၂ ဘောလုံး ရာသီ လိဂ်ဖလားပြိုင်ပွဲ၏ ဆီမီးဖိုင်နယ်အဆင့်ပွဲစဉ်အား ယခင်ကျင်းပနေသည့် ပုံစံအတိုင်း နှစ်ကျော့စနစ် ပြန်လည်ကျင်းပမည်ဖြစ်ကြောင်း သိရသည်။
ပြီးခဲ့သည့် ၂၀၂၀-၂၁ ရာသီတွင် ကိုရိုနာဗိုင်းရပ်စ်ပြဿနာများ ကြောင့် ပွဲစဉ်များကျပ်ခဲ့ရာ လိဂ်ဖလား ဆီမီးဖိုင်နယ်အဆင့်အား တစ်ကျော့တည်းသာ ကစားစေခဲ့ရသည်။
လာမည့်ရာသီတွင်မူ အင်္ဂလန်ဘောလုံး လောက၌ ဘောလုံးပွဲစဉ်များမှာ ပုံမှန်အတိုင်းဖြစ်သွားပြီဟု တာဝန်ရှိသူများကယူဆခဲ့ပြီး ယခင်ပုံစံအတိုင်း ပြန်လည်ကျင်းပရန် ရည်ရွယ်ခြင်းဖြစ်ကြောင်း သိရသည်။
