အက်သလက်တီကိုအသင်းသည် အာဆင်နယ်အသင်းမှ ပြင်သစ်တိုက်စစ်မှူး လာကာဇက်ကို လာမည့်နွေရာသီတွင် ပြောင်းရွှေ့ကြေးအလွတ်ဖြင့် ခေါ်ယူရန် စီစဉ်နေကြောင်း သိရသည်။
အာဆင်နယ်အသင်းနှင့် ချုပ်ဆိုထားသည့် လာကာဇက်၏စာချုပ်မှာ ယခုရာသီကုန်တွင် သက်တမ်းကုန်ဆုံးမည်ဖြစ်ပြီး စာချုပ်သစ်အတွက် ဆွေးနွေးမှုမရှိသေးကြောင်း သိရသည်။
ထို့ပြင် အာဆင်နယ်အသင်းတွင် ပုံမှန်နေရာပျောက်ဆုံးနေသည့် လာကာဇက်ကလည်း အသင်းနှင့် စာချုပ်သက်တမ်း တိုးလိုခြင်းမရှိတော့ကြောင်း သိရသည်။
အက်သလက်တီကိုအသင်းသည် လာကာဇက်ကို အာဆင်နယ်အသင်းသို့ မရောက်မီကတည်းက ခေါ်ယူရန် ကြိုးပမ်းခဲ့ဖူးပြီး ယခုအခါ အလွတ်ပြောင်းရွှေ့ကြေးဖြင့် ရရှိနိုင်မည့် အခြေအနေ၌ ထပ်မံကြိုး ပမ်းရန် ပြင်ဆင်နေခြင်းဖြစ်ကြောင်း သိရသည်။
အသက် (၃၀)နှစ်အရွယ်ရှိ ပြင်သစ်တိုက်စစ်မှူး လာကာဇက်သည် ယခုရာသီတွင် အာဆင်နယ်အသင်းအတွက် ပြိုင်ပွဲစုံ (၃)ပွဲသာ ကစားထားရသော်လည်း (၂)ဂိုး သွင်းယူပေးထားသည်။
လာကာဇက်ကို ခေါ်ယူရန် အက်သလက်တီကိုအသင်းအပြင် စီးရီးအေထိပ်သီး ဂျူဗင်တပ်စ်အသင်းကပါ စိတ်ဝင်စားနေကြောင်း သိရှိရသည်။
