ပြီးခဲ့သည့် တစ်ပတ်အင်္ဂါနေ့က ကစားခဲ့သော ပရီးမီးယားလိဂ်ပွဲစဉ် (၃၇) ချယ်လ်ဆီး(၂-၁)လက်စတာ ပွဲတွင် ဖြစ်ပွားခဲ့သော ဖြစ်ရပ်အတွက် ချယ်လ်ဆီးအသင်းသည် ရမှတ်လျှော့ ပြစ်ဒဏ်ချမှတ်ခံရမည်ဟု သတင်းများ ထွက်ပေါ်လာခဲ့ရာ ယင်းသတင်းအား အင်္ဂလန်ဘောလုံးအဖွဲ့ချုပ် (FA)က ငြင်းဆန်ပယ်ချခဲ့သည်။
ယင်းပွဲ၏ ပွဲပြီးခါနီးထပ်ဆောင်း အချိန်ပို၌ ချယ်လ်ဆီးနောက်ခံလူ ဘင်ချီဝဲလ်ကို လက်စတာနောက်ခံ လူ ရီကာဒိုပယ်ရဲရားက ကြမ်းတမ်းစွာ ဖျက်ထုတ်ရာမှ နှစ်ဖက်အသင်းကစား သမားများနှင့် နည်းပြအဖွဲ့ဝင်များ အ ချင်းများခဲ့ကြသည်။ ယင်းဖြစ်ရပ် အ တွက် FA သည် နှစ်သင်းစလုံးအား စွဲချက်တင်ထားပြီး ယခုအင်္ဂါနေ့ (မေ ၂၅ ရက်)မတိုင်မီ နှစ်သင်းစလုံးမှ ဖြေ ရှင်းချက်ပေးပို့ရမည်ဖြစ်သည်။
ချယ်လ်ဆီးအသင်းသည် ၂၀၁၆ ခုနှစ်က စပါးအသင်းနှင့်ပွဲတွင် နှစ်ဖက် ကစားသမားများအကြားဖြစ်ပွားခဲ့ သော အငြင်းပွားမှုအတွက် ဒဏ်ငွေ ပေါင် (၃၇၅၀၀၀)ချမှတ်ခံခဲ့ရပြီး ယင်း ပြစ်ဒဏ်အား အယူခံဝင်ရာ၌ FA က နောက်တစ်ကြိမ်တွင် ရမှတ်လျှော့ပြစ် ဒဏ်ချမှတ်ခံရနိုင်သည်ဟု သတိပေး ခဲ့ဖူးသည်။ သို့သော် ချယ်လ်ဆီးအ သင်းသည် ပြိုင်ဘက်အသင်းများနှင့် ယင်းကဲ့သို့ အကြိမ်ကြိမ်အငြင်းပွားမှု များဖြစ်ပေါ် ခဲ့ပြီး၊ ယင်းကဲ့သို့ အချင်းများ မှုမျိုးမှာ (၇)နှစ်အတွင်း (၇)ကြိမ်အထိ ရှိခဲ့ကြောင်း သိရသည်။ သို့ဖြစ်ရာ ယခု တစ်ကြိမ်တွင် ရမှတ်လျှော့ခံရမည်ဟု သတင်းထွက်ပေါ် ခဲ့ခြင်းဖြစ်သည်။
