အာဆင်နယ် အသင်း ကွင်းလယ်လူ မီဆွတ် အိုဇေးလ် ဟာ သူ့ရဲ့ တွစ်တာ အကောင့်မှာ dream 5 a-side အသင်းကို ရွေးချယ် ပေးသွားခဲ့ပြီး ရီးရဲလ်မက်ဒရစ် အသင်းဖော်ဟောင်း အများစု ပါဝင် လာခဲ့ပါတယ် ။
အိုဇေးလ် ဟာ တွစ်တာမှာ သူ့စိတ်ကြိုက် dream 5 a-side ကို ချပြပြီး ပရိသတ်တွေရဲ့အသင်းကိုလည်း မြင်ချင်ကြောင်း ပိုစ့်တင်ခဲ့ပါတယ် ။ ဒါပေမယ့် အိုဇေးလ်ဟာ dream 5 a-side အသင်း ရွေးချယ်ရာမှာ ပရိသတ်တွေ အတွက် သတ်မှတ်ချက် သုံးခုတော့ ထားရှိ ခဲ့ပါတယ် ။
ပထမတစ်ခုက နိုင်ငံ လက်ရွေးစင် အသင်းမှာ အခုအချိန်ထိ ကစားနေဆဲသူတွေထဲကပဲ ဖြစ်ရမှာ ဖြစ်ပြီး ဒုတိယတစ်ခုကတော့ နိုင်ငံ တစ်နိုင်ငံ က ကစားသမား တစ်ဦးကိုပဲ ရွေးချယ် ရမှာပါ ။ နောက်ဆုံးတစ်ခုကတော့ အီတလီ ၊ ပြင်သစ် ၊ ခရိုအေရှား ၊ အင်္ဂလန် ၊ ဘရာဇီး နိုင်ငံက ကစားသမားတွေကိုပဲ ရွေးချယ်ပြီး ကိုယ့်စိတ်ကြိုက် dream 5 a-side အသင်းကို တည်ဆောက်ရမှာပါ ။
အိုဇေးလ် ရဲ့ dream 5 a-side အသင်းမှာ ဂိုးသမားနေရာမှာတော့ အီတလီ နဲ့ ဂျူဗင်တပ်စ် ဂန္တဝင် ဂိုးသမား ဘူဖွန် ပါဝင် ပါတယ် ။ နောက်တန်းမှာတော့ ရီးရဲလ်မက်ဒရစ် အသင်းဖော်ဟောင်း ဘရာဇီး နောက်ခံလူ မာဆယ်လို ကို ရွေးချယ် ပေးခဲ့ပါတယ် ။
အလယ်တန်းမှာတော့ ၂၀၁၈ ခုနှစ် Balloon d’Or ဆုရှင် ရီးရဲလ်မက်ဒရစ် နဲ့ ခရိုအေးရှား ကွင်းလယ်လူ မိုဒရစ် ကို ရွေးချယ် ခဲ့ပါတယ် ။ တိုက်စစ် နေရာအတွက်တော့ ရီးရဲလ်မက်ဒရစ် ရဲ့ပြင်သစ် တိုက်စစ်မှူး ဘန်ဇီးမား နဲ့ မန်ယူနိုက်တက် ရဲ့ အင်္ဂလန် တိုက်စစ် ကစားသမား ရက်ရှ်ဖိုဒ့် တို့ကို တွဲဖက် ပေးခဲ့ပါတယ် ။
Make your dream 5-a-side team only using one active player from each country!
— Mesut Özil (@MesutOzil1088) November 19, 2020
My choices 👇🏼⚽️💥
🇧🇷 @MarceloM12
🇮🇹 @gianluigibuffon
🇫🇷 @Benzema
🇭🇷 @lukamodric10
🏴@MarcusRashford
အိုဇေးလ် ဟာ အရင်တုန်းကလည်း သူ့စိတ်ကူး ထဲက ရီးရဲယ် မက်ဒရစ် နဲ့ အာဆင်နယ် တစ်ဖက်ငါးယောက် အသင်း (5-a-side teams) ကို ရွေးချယ် ပေးခဲ့ဖူးပါတယ် ။
အဲ့ဒီတုန်းကတော့ အိုဇေးလ် ဟာ ” ကျွန်တော် ရီးရဲလ် မက်ဒရစ် အသင်း ကနေ စပြီး ရွေးချယ် ချင်ပါတယ် ။ ကျွန်တော့် အတွက်ကတော့ ဇီးဒန်း ၊ ရာအူးလ် ၊ စီရော်နယ်ဒို ၊ ရာမိုစ့် တို့ပါ ။ အခုတောင် လေး ငါးယောက် ရှိနေပါပြီ ။ ကာဆီးလက်စ် လည်း ပါပါသေးတယ် ။ ”
” သူတို့ က ကလပ် အသင်း တွေရဲ့ ဂန္တဝင် ကစားသမား တွေပါ ။ ပွဲတွေလည်း အများကြီး ကစား ခဲ့တာပါ ။ နောက်ပြီးတော့ ရှိသမျှ အောင်မြင်မှု တွေ ရယူ နိုင်ခဲ့တဲ့ သူတွေပါ ။ ဒါ့အပြင် ရောဘတ်တို ကားလိုစ့် ၊ ဂူတီ ၊ ဘရာဇီး ဂန္တဝင် က စား သ မား ရော်နယ်ဒို တို့လည်း ပါပါတယ် ။ ကျွန်တော် သူတို နဲ့ တွဲ မကစား ခဲ့ဖူး ပေမယ့် သူတို့က အရင်တုန်းက တကယ့်ကို ကောင်းတဲ့ ကစားသမား တွေ ပါ ။ ”
” အာဆင်နယ် အသင်း အတွက်ကတော့ သီယာရီ အွန်နရီ ၊ ဒန်းနစ် ဘားကမ့် ၊ ရောဘတ် ပီရက်ဇ် ၊ ဖရက်ဒီ ယွန်းဘတ် ၊ ဂိုးသမား ကတော့ ဒေးဗစ် ဆီးမန်း တို့ပါ ။ သူတို့က အာဆင်နယ် အသင်း ရဲ့ ဂန္တဝင် ကစားသမား တွေပါ ။ ” လို့ ရွေးချယ် ပေးခဲ့တာ ဖြစ်ပါတယ် ။
