ရီးယဲလ်ဝါရင့်ကွင်းလယ်ကစားသမား မိုဒရစ်သည် အသင်းနှင့် တစ်နှစ်သက်တမ်း တိုးစာချုပ်ချုပ်ဆိုရန် သဘောတူညီမှုရခဲ့ပြီ ဖြစ်ကြောင်း စပိန်အားကစားသတင်းစာ AS က ဖော်ပြခဲ့သည်။
အသက် ၃၆ နှစ်အရွယ်ရှိ ခရိုအေးရှားဝါရင့်ကွင်းလယ်ကစားသမား မိုဒရစ်သည် ယခုရာသီကုန်တွင် ရီးယဲလ်အသင်းနှင့် စာချုပ်သက်တမ်း ကုန်ဆုံးမည်ဖြစ်သည်။
မိုဒရစ်သည် ရီးယဲလ်အသင်းတွင် ကစားသမားဘဝကုန်ဆုံးရန် ဆန္ဒရှိနေသူဖြစ်ပြီး ယခုအခါ ရီးယဲလ်အသင်း၌ ၂၀၂၂-၂၃ ရာသီကုန်အထိ ဆက်ရှိနေရန် သဘောတူညီမှုရရှိခဲ့ခြင်း ဖြစ်ကြောင်း သိရသည်။
မိုဒရစ်သည် ၂၀၁၂ နွေရာသီအပြောင်းအရွှေ့တွင် စပါးအသင်းမှ ရီးယဲလ်အသင်းသို့ ပေါင်သန်း ၃၀ ဖြင့် ပြောင်း ရွှေ့လာခဲ့သူဖြစ်သည်။
၎င်းသည် ရီးယဲလ်အသင်း၌ ၁၀ ရာသီအတွင်း ပြိုင်ပွဲစုံ ၄၃၀ ပွဲ တွင် ၃၁ ဂိုးသွင်းယူထားပြီး ဆုဖလား ၁၇ လုံး အထိ ရရှိထားသည်။
