ရီးယဲလ်မက်ဒရစ်အသင်းမှ ခေါ်ယူရန်ပစ်မှတ်ထားနေသည့် PSG တိုက်စစ်မှူး ဘာပေသည် လာမည့်ဖေဖော်ဝါရီလတွင် ယှဉ်ပြိုင်ကစားရမည့် PSG – ရီးယဲလ်မက်ဒရစ် ချန်ပီယံလိဂ်ရှုံးထွက် (၁၆)သင်းအဆင့်ပွဲစဉ်မတိုင်မီ အနာဂတ်အားဆုံးဖြတ်သွားမည်မဟုတ်ကြောင်း စပိန်အားကစားသတင်းစာ Marca က ဖော်ပြခဲ့သည်။
ဘာပေသည် PSG အသင်းမှထွက်ခွာပြီး ရီးယဲလ်အသင်းသို့ ပြောင်းရွှေ့ရန် သတင်းများနီးနီးစပ်စပ်ထွက်ပေါ်သူဖြစ်ရာ ချန်ပီယံလိဂ်ပွဲစဉ်မတိုင်မီကာလအတွင်း အနာဂတ်ကို ဆုံးဖြတ်ခဲ့ပါက ယင်းပွဲစဉ်အပေါ်ရိုက်ခတ်မှုတစ်စုံတစ်ရာရှိလာနိုင်သောကြောင့် မတ်လအတွင်းမှသာ အနာဂတ်ကို ဆုံးဖြတ်ဖွယ်ရှိနေခြင်းဖြစ်သည်။
သို့သော် ဒေါ့မွန်တိုက်စစ်မှူး ဟော်လန်းမှာမူ ၎င်း၏အနာဂတ်အား ယခုလအတွင်း အပြီးသတ်ဆုံးဖြတ်ချက်ချသွားမည်ဖြစ်ပြီး မည်သည့်အသင်းသို့ပြောင်းရွှေ့မည်ကို အတည်ပြုကြေညာဖွယ်ရှိနေကြောင်း Marca က ဖော်ပြခဲ့သည်။
