PSG အသင်းသည် နည်းပြ ပိုချက်တီနိုအား ရာထူးမှထုတ်ပယ်ပြီး ရီးယဲလ်နည်းပြဟောင်း ဇီဒန်းကို အသင်းနည်းပြအဖြစ် ခန့် အပ်သွားရန် စီစဉ်နေကြောင်း စပိန်အားကစားသတင်းစာ Mundo Deportivo က ဖော် ပြခဲ့သည်။
PSG အသင်းသည် ဇီဒန်းကို အသင်းနည်းပြအဖြစ်ခန့်အပ်ရန် ပြီးခဲ့သည့်ဇန်နဝါရီကတည်းက ကြိုးပမ်းခဲ့ခြင်းဖြစ်ပြီး ယခုအခါ သဘောတူညီမှုရရန် အလွန်နီးစပ်နေပြီဖြစ်ကြောင်း သိရသည်။
Mundo Deportivo ၏ ဖော်ပြချက်အရ ဇီဒန်းသည် လက်ရှိတွင် PSG အသင်းနှင့် စာချုပ်ကိစ္စကို အပြီးသတ်ရန်အတွက် အသင်းပိုင်ရှင်များ နှင့်ဆွေးနွေးရန် ကာတာနိုင်ငံသို့ ရောက်ရှိနေကြောင်း သိရသည်။
ဇီဒန်းသည် ၂၀၂၀- ၂၁ ရာသီကုန်တွင် ရီးယဲလ်နှင့်လမ်းခွဲပြီး နောက် အသင်းလက်မဲ့ဖြစ်နေသူဖြစ်ပြီး PSG အသင်းနည်းပြဖြစ်လာပါက ကမ္ဘာ့လစာအများဆုံးရ နည်းပြ ဖြစ်လာဖွယ်ရှိကြောင်း သိရသည်။
