ရိုးမားအသင်းပရိသတ်များက ၎င်းတို့အသင်းထံ ရောက်ရှိလာပြီးနောက် နည်းပြမော်ရင်ဟိုသည် (၁၀) နှစ်ခန့်နုပျိုသွားသည်ဟု တင်စားပြောဆိုခဲ့သည်။
မော်ရင်ဟိုသည် ရိုးမားအသင်းနှင့် ပထမဆုံးရာသီတွင် ကွန်းဖရန့်လိဂ်ချန်ပီယံဆု ရယူနိုင်ခဲ့ပြီး လက်ရှိရာသီတွင်လည်း ကစားသမားကောင်းများအားဖြည့်ထားသဖြင့် အလားအလာကောင်းများ ပိုင်ဆိုင်လျက်ရှိသည်။
ပြီးခဲ့သည့်ရက်ပိုင်းအတွင်းတွင် မော်ရင်ဟိုသည် အစီအစဉ်တင်ဆက်သူ ရုရှားမိန်းကလေးနှင့် ဓာတ်ပုံတွဲရိုက်ခဲ့ပြီး အဆိုပါဓာတ်ပုံကို မြင်တွေ့ ပြီးနောက် ရိုးမားအသင်းပရိသတ်အများစုက ”အီတလီမှာနေရတာ မော်ရင်ဟိုကို (၁၀)နှစ်လောက် ပြန်ငယ် သွားစေသလိုပဲ။ အင်္ဂလိပ်မီဒီယာတွေ၊ မန်ယူနဲ့ စပါးအသင်းနည်းပြအလုပ်တွေဟာ သူ့ကို အိုစာစေခဲ့ပါတယ်။ အဲဒီအသင်း (၂)သင်းက မော်ရင်ဟိုရဲ့ဘဝကို ဖျက်ဆီးခဲ့တာပါ။ အခုတော့ သူပျော်ရွှင်နေပါပြီ”ဟု လူမှုကွန်ရက်တွင် ရေးသားနေကြောင်း သိရသည်။
