ခရိုအေးရှား – စပိန်(မြန်မာစံတော်ချိန် ဇွန်လ ၂၈ ရက် ည ၁ဝး၃၀ နာရီ)
စကော့တလန်ကို ဂိုးပြတ်အနိုင်ရခဲ့တဲ့ပွဲက ဒီပြိုင်ပွဲမှာ ခရိုအေးရှားရဲ့အကောင်းဆုံးပွဲလို့ ဆိုရမယ်။ အင်္ဂလန်နဲ့ပွဲ၊ ချက်နဲ့ ပွဲတွေမှာ ခရိုအေးရှားဟာ အထင်ကြီးစရာအနေအထားမှာ မရှိခဲ့ဘူး။ ကွင်းလယ်မှာ မိုဒရစ်-ကိုဗာချစ်တို့ အတွဲမညီတာ၊ ခံစစ်က စိတ်မချရတာ၊ အသင်းမှာ အသက်ကြီးကစားသမားတွေများနေပြီး၊ လူငယ်ကြယ်ပွင့်တွေလည်း သိပ်မတွေ့ရတာတွေကြောင့် ခရိုအေးရှားကို မြင်နေကျပုံစံမျိုးနဲ့ မတွေ့ရဘူး။ စပိန်ကလည်း အသင်းကြီးတွေထဲမှာ စိတ်ပျက်စရာအကောင်းဆုံး ပုံစံပြနေတဲ့ အသင်းလို့တောင် ဆိုနိုင်ပြီး၊ တိုက်စစ်ပိုင်းက အဆိုးရွားဆုံးအခြေအနေဖြစ်နေတယ်။ နိုင်ပွဲရဖို့ထက် ဂိုးသွင်းနိုင်ဖို့တောင် အသည်းအသန် ရုန်းကန်နေရတဲ့ အသင်းမျိုးဖြစ်နေပြီး နောက်ဆုံးဆယ်စုနှစ်တွေအတွင်းမှာ စိတ်ပျက်စရာအကောင်းဆုံး၊ အညံ့ ဆုံးအသင်းလို့ ပြောလို့တောင်ရတယ်။ ဒါပေမဲ့ နောက်ဆုံးပွဲမှာ ကစားခဲ့တဲ့ခြေစွမ်းမျိုးက မဆိုးပါဘူး။ ဒီခြေစွမ်းမျိုးပြနိုင်ရင်တော့ ခရိုအေးရှားခက်လိမ့်မယ်။ ခြေညီတဲ့အသင်းနှစ်သင်းဖြစ်ပြီး မိနစ် (၉၀)ကတော့ သရေပွဲဆီဦးတည်နေမယ်ထင်တယ်။
ပြင်သစ်-ဆွစ်ဇာလန်(မြန်မာစံတော်ချိန် ဇွန်လ ၂၈ ရက် နံနက် ၁း၃၀ နာရီ)
ပြင်သစ်အသင်းက အုပ်စုဗိုလ်နေရာမှာ ရပ်တည်နို်င်ခဲ့တဲ့အတွက် ဂျာမနီ၊ ပေါ်တူဂီတို့ ပွဲကျပ်နေချိန်မှာ ဆွစ်ဇာလန်နဲ့ကစားရတာ ကျေနပ်စရာလို့ ဆိုရမယ်။ လက်ရှိအနေအထားအရ ဆွစ်ဇာလန်ကလည်း အကောင်းဆုံးအနေအထားမှာ မရှိပါဘူး။ ပြင် သစ်အသင်းက နောက်ဆုံးနှစ်ပွဲဆက် သရေကစားခဲ့ပေမဲ့ပွဲတိုင်းမှာ ဖိဖိစီးစီးကစားနိုင်တာတွေ့ရတယ်။ အရည်အသွေးကောင်းတွေလည်း တွေ့ရပြီး ပိုတိုးတက်လာနိုင်တဲ့ခြေစွမ်းကိုလည်း ပိုင်ဆိုင်ထားတယ်။ ပြင်သစ်ပဲ နိုင်မယ်။
