မန်ချက်စတာ ယူနိုက်တက် အသင်းဟာ မနေ့ညက ဆောက်သမ်တန် အသင်းနဲ့ ပရီးမီးယားလိဂ် ပွဲစဉ် 10 ကစားခဲ့ပြီး 2 – 3 ဆိုတဲ့ ရလဒ် နဲ့ အဝေးကွင်း နိုင်ပွဲ ရယူ သွားနိုင်ခဲ့ ပါတယ် ။ ဒါဟာ ယူနိုက်တက် အတွက်တော့ ခက်ခဲတဲ့ နိုင်ပွဲ တစ်ပွဲ ဖြစ်သွား ခဲ့ရ ပါတယ် ။
ဘာဖြစ်လို့လဲ ဆိုတော့ ယူနိုက်တက် တို့ဟာ ပထမပိုင်း မှာပဲ အလွတ် တည်ကန်ဘော တွေကို အကျိုး ရှိရှိ အသုံးချသွား နိုင်ခဲ့တဲ့ ဆောက်သမ်တန် အသင်းကို နှစ်ဂိုးထိ ပေးခဲ့ရလို့ပဲ ဖြစ်ပါတယ် ။ ပထမ တစ်ဂိုး ကိုတော့ ဆောက်သမ်တန် အသင်းဟာ ထောင့်ကန်ဘောမှ တစ်ဆင့် ရယူ သွားနိုင်ခဲ့ ပါတယ် ။
ဒုတိယ တစ်လုံးမှာတော့ ယူနိုက်တက် ကွင်းလယ်လူ ဖရက်ဒ်ဟာ ဂိုးဧရိယာ ထိပ်နားမှာ ပြိုင်ဖက် အသင်းရဲ့ တိုက်စစ် ကစား သမား ဖြစ်သူ မူဆာ ဂျန်ပိုကို ပြစ်ဒဏ် ကျူးလွန် ခဲ့တဲ့ အတွက် ဖရီးကစ် ကန်ခွင့် ပေးဆောင်ခဲ့ရာကနေ တဆင့် ယူနိုက်တက်တို့ နောက်တစ်ဂိုး ပေးခဲ့ရတာပဲ ဖြစ်ပါတယ် ။
အဆိုပါ ဖရီးကစ်ကို ဆောက်သမ်တန် အသင်းရဲ့ ဖရစ်ကစ် စပါယ်ရှယ်လစ် ဖြစ်တဲ့ ဝက်ပရောက် က ကန်သွင်း ခဲ့ရာ ဒီဂီယာ မှ ဖမ်းယူ နိုင်ခဲ့သင့် ပေမယ့် မလုပ်ဆောင်နိုင် ခဲ့ပဲ ဂိုးတိုင်နဲ့ ခိုက်မိ ခဲ့တဲ့ အတွက် ဒဏ်ရာပါ ရရှိ သွားခဲ့ပါ သေးတယ် ။ ဒါ့ကြောင့် ယူနိုက်တက်တို့ 2 ဂိုး ပေးပြီး နောက်ကနေ လိုက်လံ ကစားခဲ့ရတာပဲ ဖြစ်ပါတယ် ။
ဒီအတွက် Sky Sports မှာ သတင်း တင်ဆက် နေခဲ့တဲ့ ယူနိုက်တက် ဂန္ဓဝင် ရွိုင်ကိန်း က ဒီဂီယာရဲ့ အမှားကို အပြစ်တင် ခဲ့လိုက်ပြီး ဖရီးကစ် ပေးဆောင်ခဲ့တဲ့ ဖရက်ဒ် ရဲ့ ပေါ့ဆမှုကို အထူး အပြစ်တင် ဝေဖန် သွားခဲ့လိုက်ပါတယ် ။ ဒါ့အပြင် ဝက်ပရောက် ရဲ့ ဖရီးကစ် ကန်ချက်ကိုလည်း ချီးကျူး သွားခဲ့လိုက် ပါတယ် ။
” ဟုတ်ပါတယ် ၊ ဒုတိယမြောက် ပေးဂိုး အတွက်တော့ ကျွန်တော်ဟာ ဖရက်ဒ်ကို ပိုပြီး အပြစ်တင်ချင် ပါတယ် ။ ဖရက်ဒ် က ဖရီးကစ် ကန်ခွင့်ကို ပေးဆောင် လိုက်တဲ့သူ ပါပဲ ။ ဒီဂီယာ ၊ သူလည်း နောက် တစ်ကြိမ် မှားခဲ့ပြန် ပါတယ် ။ ဒီလောက် အကွာအဝေး တစ်ခု ကနေ ကျွန်တော့်ရဲ့ ဂိုးသမား ဂိုး ပေးရ လိမ့်မယ် လို့ ကျွန်တော်တော့ မမျှော်လင့်ခဲ့ ပါဘူး ။ ကျွန်တော် တကယ် မမျှော်လင့်ခဲ့ ပါဘူး ”
” တစ်ဖက် မှာလည်း ဒါက အံ့ဖွယ် ကောင်းတဲ့ အလွတ် တည်ကန်ဘော ဖြစ်သွား ခဲ့ရ ပါတယ် ။ ဘောလုံးရဲ့ အရှိန် နဲ့ တိကျမှု တွေက တစ်ကယ့်ကို အံ့ဖွယ် ပါပဲ ။ ဒီလို ဘောလုံး ကန်သွင်းမှု တွေကို လုပ်ဆောင် နိုင်တဲ့ သူ ( ဝက်ပရောက် ) ဟာ လက်ရှိ အချိန် ဥရောပမှာ အကောင်းဆုံးတွေ ထဲက တစ်ယောက် ပါပဲ ”
” ဒီ အဖြစ်အပျက်မှာ ကျွန်တော့်ရဲ့ ဂိုးသမား နဲ့ ပတ်သက်လို့ ကျွန်တော်ဟာ အတော်လေး စိတ်မကျေမနပ် ဖြစ်ခဲ့ရ ပါတယ် ။ အဲ့တာထက် ပိုပြီး ပျင်းရိတဲ့ လှုပ်ရှားမှု တွေနဲ့ အတူ ဖရီးကစ် ကန်ခွင့် ပေးဆောင် ခဲ့တဲ့ ဖရက်ဒ် အပေါ် ပိုပြီး စိတ်ပျက် ခဲ့ရ ပါတယ် ။ ဒါဟာ မဖြစ်သင့်ခဲ့ ပါဘူး ”
” ဒီလို နေရာမျိုးမှာ ဖရီးကစ် ကန်ခွင့် ပေးရတယ် ဆိုတာက ပင်နယ်တီ ကန်ခွင့် ပေးရတာ နဲ့ သဘောတရား တူညီတယ် ဆိုတာကို ခင်ဗျားတို့ သိနေသင့် ပါတယ် ။ ဒါ့ကြောင့် အခုလို လှုပ်ရှားမှုမျိုး သူ မလုပ်ဆောင် ခဲ့သင့် ပါဘူး ” လို့ ရွိုင်ကိန်း က အပြစ်တင် ဝေဖန် သွားခဲ့လိုက် ပါတယ် ။
