ရီးယဲလ်အသင်းသည် အသင်းတိုက်စစ်မှူး ယိုဗစ်ကို ယူရို (၃၅)သန်းရလျှင် ရောင်းထုတ်ရန် စီစဉ်နေကြောင်း စပိန်အားကစားသတင်းစာ Marca က ဖော်ပြခဲ့သည်။
ရီးယဲလ်အသင်းသည် အသက် (၂၃)နှစ်အရွယ်ရှိ ဆားဘီးယားတိုက်စစ်မှူး ယိုဗစ်ကို ၂၀၁၉ နွေရာသီအပြောင်းအရွှေ့ကာလတွင် ဖရန့်ဖတ်အသင်းမှ ယူရိုသန်း (၆၀)ဖြင့် ခေါ်ယူခဲ့သည်။
သို့သော် ၎င်းသည် ရီးယဲလ်အသင်းတွင် နေရာရရန် ရုန်းကန်ခဲ့ရပြီး ပြီးခဲ့သည့်ရာသီက အသင်းဟောင်း ဖရန့်ဖတ်တွင် တစ်ရာသီအငှားဖြင့် သွားရောက်ကစားခဲ့ရသည်။
ယိုဗစ်သည် ရီးယဲလ်အသင်းတွင် ပုံမှန်ပွဲထွက်ခွင့်အတွက် တိုက်ပွဲဝင်ရန် ဆန္ဒရှိနေသော်လည်း ရီးယဲလ်အသင်းက ၎င်းကို ယခုနွေရာသီအပြောင်း အရွှေ့ကာလတွင် ရောင်းထုတ်လိုနေကြောင်း သိရသည်။
လက်ရှိတွင် ယိုဗစ်ကိုခေါ်ယူရန် အေစီမီလန်၊ အင်တာမီလန်နှင့် ဆမ်ဒိုးရီးယားအသင်းတို့က စိတ်ဝင်စားနေကြပြီး ရီးယဲလ်အသင်းသည် ၎င်းကို ယူရို(၃၅)သန်းရလျှင် ရောင်းထုတ်သွားဖွယ်ရှိနေကြောင်း Marca က ဖော်ပြခဲ့ခြင်းဖြစ်သည်။
