PSG အသင်း၏အဓိကကွင်းလယ်ကစားသမား ဗာရက်တီသည် ဒူးဒဏ်ရာပြဿနာကြောင့် ယနေ့တွင် ယှဉ်ပြိုင်ကစားမည့် ကလပ်ဘရုဂေးအသင်းနှင့် ချန်ပီယံလိဂ်အုပ် စုအဖွင့်ပွဲစဉ်တွင် ပါဝင်ကစားနိုင်မည် မဟုတ်ကြောင်း သိရသည်။
ဗာရက်တီသည် အီတလီအသင်းနှင့် ကမ္ဘာ့ဖလားခြေစစ်ပွဲများ သွားရောက်ကစားစဉ် ယင်းဒဏ်ရာရရှိခဲ့ပြီး အနည်းဆုံး ၁၀ ရက်ခန့် အနားယူရဖွယ်ရှိသည်။ ထို့ပြင် အခြားကစားသမားများဖြစ်သည့် ဒီမာရီယာ၊ ရာမို့စ်တို့မှာလည်း ယင်းပွဲတွင် ပါဝင်နိုင်မည် မဟုတ်ကြောင်း သိရသည်။
ဒီမာရီယာသည် ပြီးခဲ့သည့်ရာသီ ချန်ပီယံလိဂ်ဆီမီးဖိုင်နယ် ပွဲစဉ်မှ အနီကတ်ကြောင့် ပွဲပယ်ပြစ်ဒဏ်ကျခံရမည်ဖြစ်ပြီး ရာမို့စ်မှာမူ ခြေသလုံးကြွက်သားဒဏ်ရာကြောင့် လွဲချော်မည်ဖစ်သည်။
