ယခုအပြောင်းအရွှေ့ကာလအတွင်း အသင်းမှ ကစားသမားအင်အားဖြည့်မှု မရှိလျှင် နည်းပြ ကွန်တီသည် မကြာတော့မီကာလအတွင်း အသင်းမှ ထွက်ခွာသွားနိုင်သည်ဟု လီဗာပူးလ်ကွင်းလယ်ကစားသမားဟောင်း နှင့် ရုပ်သံဝေဖန်သူ ဂျေမီရက်နက်ပ်က သုံး သပ်ခဲ့သည်။
ကွန်တီသည် စပါးအသင်းသို့ ပြီးခဲ့သည့် နိုဝင်ဘာလကမှ စတင်ရောက်ရှိလာပြီး သူ၏ လက်ထက်တွင် အသင်းကို တိုးတက်မှုများရှိ စေရန် လုပ်ဆောင်ပေးထားသည်။ ၎င်းအနေဖြင့် ကိုင်တွယ်ခဲ့သည့် ပရီးမီးယားလိဂ်ပွဲစဉ် ၁၀ ပွဲတွင် ရရှိနိုင်သော အမှတ် ၃၀ အနက် ၂၁ မှတ်အထိ ရယူပေးထားပြီး ပြီးခဲ့သည့် ချယ်လ်ဆီးအသင်းအား အရေးနိမ့်သည့်ပွဲစဉ် တွင်မှ ပထမဆုံး အမှတ်ပေးရှုံးပွဲနှင့် ရင်ဆိုင်ခဲ့ရခြင်းဖြစ်သည်။
“သူ့အနေနဲ့ ကစားသမားသစ်တွေ လိုအပ်ပါတယ်။ သူနဲ့ ဒန်နီယဲလ်လီဗီ (စပါးအသင်းဥက္ကဋ္ဌ) တို့အကြားမှာလည်း သူအလိုရှိတဲ့ ကစားသမားတွေ ခေါ်ယူပေးမယ်လို့ သဘောတူညီချက် ရှိထားပါတယ်။ သူဟာ ဒီအနေအထားရောက်အောင် ကြီးကျယ်ခမ်းနားတဲ့အလုပ်တွေနဲ့ ပြသထားပါတယ်။ တော်တင်ဟမ်က ထိပ်ဆုံးလေးသင်း စာရင်းဝင်ဖို့ နီးစပ်လာတယ်။ သူ့ရာထူးနေရာမှာ တခြားဘယ်မန်နေဂျာမှ မစွမ်းဆောင်နိုင်ခဲ့ပါဘူး။ သူလိုအပ်တဲ့ကစားသမားတွေနဲ့ ပံ့ပိုးပေးနိုင်ဖို့ လိုအပ်ပါတယ်။ လီဗီက မန်နေ ဂျာတွေအဖို့ အတူလုပ်ကိုင်ရခက်သူဖြစ်ပြီး ပေးထားတဲ့ကတိမတည်ရင်တော့ သူ့အနေနဲ့ အသင်းက ထွက်ခွာသွားနိုင်ပါတယ်”ဟု ရက်နက်ပ်က ပြောကြားခဲ့သည်။