မန်ယူအသင်း၏ ရှယ်ယာရှင်တစ်ဦးဖြစ်လာသည့် ဆာဂျင်ရက်ကလစ်ဖ်သည် မန်ယူအသင်း၏ နေရာ (၄) နေရာကို အင်အားဖြည့်တင်းရန် စဉ်းစားလျက်ရှိကြောင်း သိရှိရသည်။
ဆာဂျင်ရက်ကလစ်ဖ်သည် အပြောင်းအရွှေ့စျေးကွက်အတွင်း ဝင်ရောက်မွှေနှောက်ရန်အတွက် ကစားသမားအချို့ကိုလည်း ရောင်းထုတ်ရန် စီစဉ်လျက်ရှိပြီး ရောင်းထုတ်မှုများ အဆင်မပြေခဲ့လျှင်ပင် ယင်း (၄)နေရာအနက် အဆင်ပြေသည့် အပြောင်းအရွှေ့များကို ပြုလုပ်သွားရန် စဉ်းစားထာကြောင်း သိရသည်။
လက်ရှိအချိန်တွင် တိုက်စစ်မှူး ဟွိုင်လန်းနှင့် တွဲဖက်ကစားရန် ကစားသမားတစ်ဦး၊ ကွင်းလယ်လူတစ်ဦး၊ နောက်ခံအတွင်းလူတစ်ဦးနှင့် အစွန်ကစားသမားတစ်ဦးတို့ကို ပစ်မှတ်ထားနေသည်ဟုလည်း သတင်းများက ဆိုသည်။
လက်ရှိအချိန်တွင် မန်ယူအသင်း ခေါ်ယူလိုနေသည့်ကစားသမားများမှာ ပဲလေ့စ်အသင်းမှ အိုလီဆေး၊ အဲဗာတန်နောက်ခံလူ ဘရန့်ဝိတ်နှင့် နိုက်စ်နောက်ခံလူ တိုဘီဒိုတို့ဖြစ်သည် ဟု သိရှိရသည်။
