မန်ယူမှထွက်ခွာရန် ကြိုးပမ်းခဲ့ဖူးသည့် ပေါ့ဘာ စာချုပ်သစ်ချုပ်ဆိုရန် ပြန်လည်စိတ်ဝင်စားနေပြီဟု Daily Mail သတင်းစာ ဖော်ပြ

မန်ယူအသင်းမှထွက်ခွာရန် ကြိုးပမ်းခဲ့ဖူးသည့် ပြင်သစ်လက်ရွေးစင်ကွင်းလယ်လူ ပေါလ်ပေါ့ဘာသည် ယခုအချိန်တွင် သူ၏ဆုံးဖြတ်ချက်ကို ပြန်ပြန်ကာ အသင်းနှင့်စာချုပ်သက်တမ်းတိုးရန် စဉ်းစားလျက်ရှိသည်ဟု Daily Mail သတင်းစာက ဖော်ပြခဲ့သည်။

မန်ယူအသင်း၏ နည်းပြဖြစ်သူ ဆိုးလ်ရှားက ဘုန်းမောက်အသင်းနှင့် ကစားခဲ့သည့်ပွဲအပြီးတွင် ပေါ့ဘာ၏ စာချုပ်သစ်ကိစ္စအပေါ် မေးမြန်းခဲ့ရာ၌ ပေါ့ဘာအား အသင်းတွင် ကြာနိုင်သမျှကြာအောင် ဆက်ရှိနေစေလိုသည်ဟုဆိုခဲ့ပြီး မန်ယူအသင်းတာဝန်ရှိသူများကလည်း ပေါ့ဘာကို သက်တမ်းတိုးရန်ကိစ္စအတွက် ဆွေးနွေးမှုများကို ဆက်လက်ပြုလုပ်ရန် စီစဉ်နေသည်။ မျက်နှာချင်းဆိုင် ဆွေးနွေးမှုများကိုမူ ယခုရာသီအပြီးသတ်ချိန်မှ စတင်ပြုလုပ်ဖွယ်ရှိနေသည်ဟုလည်း သိရှိရသည်။

myan789

အသက်(၂၇)နှစ်အရွယ်ရှိပြီဖြစ်သည့် ကွင်းလယ်လူ ပေါ့ဘာသည် ၂၀၁၆ ခုနှစ်က ဂျူဗင်တပ်စ်အသင်းထံမှ မန်ယူသို့ ရောက်ရှိလာခဲ့သူဖြစ်ပြီး အသင်းတွင် အကောင်းဆုံးပုံစံကို ပြသနိုင်ခြင်းမရှိသေးချေ။ သူသည် ယခင်နည်းပြဟောင်း မော်ရင်ဟိုလက်ထက်တွင် ပုဂ္ဂိုလ်ရေးပြဿနာများရှိခဲ့သလို ဒဏ်ရာပြဿနာများကြောင့်လည်း အသင်းတွင်ပျော်ရွှင်ခြင်းမရှိခဲ့ချေ။

အသင်းခေါင်း ဆောင်လက်ပတ် ပြန်လည်ရုပ်သိမ်းခံရခြင်းကဲ့သို့ အခြေ အနေများလည်း ဖြစ်ပေါ်ခဲ့ပြီး အသင်းမှ ထွက်ခွာရန် ကြိုးပမ်းခဲ့ခြင်းဖြစ်သည်။

ယခုအချိန်တွင်မူ မန်ယူအသင်းသည် ဂန္ထဝင်နည်းပြဟောင်း ဖာဂူဆန်ထွက်ခွာပြီးနောက်ပိုင်း အကောင်းဆုံးကစားဟန်ကို ပြန်လည်ပြသနေပြီဖြစ်ပြီး သူနှင့် ဘရူနိုဖာနန်ဒက်စ်တို့၏ ကွင်းလယ်အတွဲအဖက်ကိုလည်း ပရီးမီးယားလိဂ်၏ ထိပ်တန်းကွင်းလယ်အတွဲအဖြစ် အသိအမှတ်ပြုမှုများ ရှိလာပြီဖြစ်သည်။

အသင်းခေါင်း ဆောင်လက်ပတ်ကို ကစားသမားသစ် မက်ဂွိုင်းရားက ရယူခဲ့ပြီဖြစ်သလို၊ အသင်း၏ တိုက်စစ်ပိုင်းအတွက် ဘရူနိုဖာနန်ဒက်စ်က ပိုမိုအရေးပါသည့်နေရာတွင် ကစားနေရသည့်တိုင် သူသည် အသင်းတွင် ပျော်ရွှင်နေပုံရသည်ဟု မီဒီယာများက သုံးသပ်ခဲ့ပြီး ပေါ့ဘာ၏ အကောင်းဆုံးပုံစံကို ဘရူနိုရောက်ရှိလာပြီးကတည်းက ပြန်မြင်တွေ့လာရသည်ဟုလည်း ချီးကျူးနေကြသည်။

ပေါ့ဘာသည် မန်ယူအသင်းတွင် ဝင်ငွေအကောင်းဆုံးကစားသမားတစ်ဦးဖြစ်ပြီး တစ်ပတ်လုပ်ခ ပေါင်(၂၉၀၀၀၀)အထိ ရရှိနေသလို၊ အပိုဆုကြေး ပေါင် (၃.၇၈)သန်းနှင့် ပုံရိပ်အသုံးပြုခ ပေါင်(၂.၈၇)သန်းတို့ကို ရရှိနေသူဖြစ်သည်။ ဆိုးလ်ရှားက “သူပြန်လာကတည်းက ကောင်းသထက်ကောင်းလာပြီး အသင်းမှာလည်း ပိုမိုပျော်ရွှင်လာပါတယ်”ဟု ပြောကြားခဲ့သည်။

Similar Articles

Comments

LEAVE A REPLY

Please enter your comment!
Please enter your name here

Covid-19 Statistic

Advertismentspot_img

Instagram

Most Popular