လာဇီယိုအသင်းသည် မန်စီးတီးအသင်းနှင့်လမ်းခွဲခဲ့သည့် စပိန်ဝါရင့်ကွင်းလယ်ူ ဒေးဗစ်ဆေးလ်ဗားအား ခေါ်ယူရန် ပြင်ဆင်နေကြောင်း စပိန်မီဒီယာများက ဖော်ပြခဲ့ကြသည်။
အသက် (၃၄)နှစ်အရွယ်ရှိ ဒေးဗစ်ဆေးလ်ဗားသည် မန်စီးတီးအသင်းတွင် (၁၀)ရာသီကြာ ကစားပြီးနောက် ၂၀၁၉-၂၀ ရာသီ ပရီးမီးယားလိဂ်ပြိုင်ပွဲအပြီးတွင် အသင်းနှင့်လမ်းခွဲခဲ့သည်။
ဒေးဗစ်ဆေးလ်ဗားသည် မန်စီးတီးအသင်းအတွက် ယခုရာသီပြိုင်ပွဲစုံ (၃၈)ပွဲတွင် (၆)ဂိုးသွင်းယူကာ ဂိုးဖန်တီးမှု (၁၁)ကြိမ်အထိ ပြုလုပ်နိုင်ခဲ့သည်။
ဒေးဗစ်ဆေးလ်ဗားအား ခေါ်ယူရန် ဒူဘိုင်းကလပ်များနှင့် မေဂျာလိဂ်ကလပ်များက စိတ်ဝင်စားနေကြပြီး ယခုအခါ လာဇီယိုအသင်းကပါ ၎င်းကို ခေါ်ယူရန် စီစဉ်နေကြောင်း သိရသည်။
လာဇီယိုအသင်းသည် လာမည့် ၂၀၂၀-၂၁ ရာသီတွင် ချန်ပီယံလိဂ်ပြိုင်ပွဲဝင်ခွင့်ရရှိထားပြီး အသင်း၏ကွင်းလယ်ပိုင်းကို အင်အားဖြည့်တင်းရန်အတွက် ပြောင်းရွှေ့ကြေးအလွတ်ဖြင့် ရရှိနိုင်သည့် ဒေးဗစ်ဆေးလ်ဗားကို ပစ်မှတ်ထားနေခြင်းဖြစ်ကြောင်း သိရသည်။
