ဘိုင်ယန်မြူးနစ် တောင်ပံကစားသမားသစ် ဆာနေးက အသင်းဖော် အလာဘာအား မန်စီးတီးအသင်းထံသို့ မပြောင်းရွှေ့ဘဲ အသင်း၌သာ ဆက်ကစားရန် တိုက်တွန်းခဲ့သည်။
နောက်ခံလူရှာပုံတော်ဖွင့်နေသည့် မန်စီးတီးအသင်းသည် ဘိုင်ယန်မြူးနစ်အသင်းနှင့် စာချုပ်သက်တမ်း(၁)နှစ်သာ ကျန်ရှိတော့သည့် အလာဘာအား ခေါ်ယူရန် ကြိုးပမ်းနေခြင်းဖြစ်သည်။
ဆာနေးက “ဒေးဗစ်(အလာဘာ) ဒီမှာ ဆက်နေဖို့ မျှော်လင့်တယ်။ သူနဲ့ တွဲကစားချင်တယ်။ သူက အရမ်းကောင်းတဲ့သူပါ။ သူက ကမ္ဘာ့အကောင်းဆုံးဘယ်နောက်ခံလူဖြစ်ရုံမကဘဲ ဗဟိုခံစစ်မှာလည်း ထူးချွန်စွာ ကစားနိုင်သူပါ”ဟု Bild သို့ ပြောကြားခဲ့သည်။
အသက် (၂၈)နှစ်အရွယ်ရှိ သြစတြီးယားနောက်ခံလူ အလာဘာသည် ဘိုင်ယန်မြူးနစ်အကယ်ဒမီထွက် ကစားသမားတစ်ဦးဖြစ်ပြီး အသင်းအတွက် (၁၁)ရာသီအတွင်း ပြိုင်ပွဲစုံ (၃၈၂)ပွဲတွင် (၃၁) ဂိုး သွင်းယူပေးထားသည်။
အလာဘာအား ခေါ်ယူရန် မန်စီးတီးအသင်းအပြင် ဥရောပထိပ်တန်းကလပ်အသင်းများစွာက စိတ်ဝင်စားနေကြောင်းလည်း သိရသည်။
