ဘာစီလိုနာအသင်းသည် ဘိုင်ယန်မြူးနစ်အသင်းမှ ပိုလန်ဝါရင့်တိုက်စစ်မှူး လီဝန်ဒေါစကီး (၃၃ နှစ်) အား (၄)နှစ်စာချုပ်ဖြင့်ခေါ်ယူရန် ကမ်းလှမ်းမှုပြုလုပ်ခဲ့ကြောင်း စပိန်မီဒီယာများက ဖော်ပြခဲ့ကြသည်။
အသက် (၃၃)နှစ်အရွယ်ရှိ လီဝန်ဒေါစကီးနှင့် ဘိုင်ယန်မြူးနစ်အသင်းတို့၏ လက်ရှိစာချုပ်မှာ လာမည့် ၂၀၂၃ နွေရာသီတွင် ကုန်ဆုံးမည်ဖြစ်ပြီး စာချုပ်သစ်အတွက် ဆွေးနွေးမှုများ ပြုလုပ်ခြင်းမရှိသေးပေ။
ထို့ကြောင့် ဘာစီလိုနာအသင်းအနေဖြင့် ဘိုင်ယန်မြူးနစ်မှ ထွက်ခွာဖွယ်ရှိနေသည့် လီဝန်ဒေါစကီးအား လက်ဦးမှုရယူရန်နိုင်ရန် စီစဉ်နေခြင်းဖြစ်ပြီး (၄)နှစ်စာချုပ်ဖြင့် ကမ်းလှမ်းမှုပြုလုပ်ခဲ့ကြောင်း ကတ်တလန်အခြေစိုက် စပိန်အားကစားသတင်းစာ Sport ကဖော်ပြခဲ့သည်။
လီဝန်ဒေါစကီးအနေဖြင့် ပြီးခဲ့သည့်ရက်ပိုင်းက ဘိုင်ယန်မြူးနစ်အသင်း၏ စာချုပ်သစ်မကမ်းလှမ်းမှုအပေါ် စိတ်ဆိုးဒေါသထွက်နေကြောင်း သတင်းများထွက်ပေါ်လာခဲ့ပြီးနောက် ၎င်း၏အပြောင်းအရွှေ့သတင်းများမှာ ပိုမိုကျယ်ပြန့်လာခဲ့ပြီး၊ ဘိုင်ယန်မြူးနစ်အသင်းအနေဖြင့်လည်း လီဝန်ဒေါစကီးအား စာချုပ်ကုန်ဆုံးချိန်တွင် အလွတ်ပြောင်းရွှေ့ကြေးဖြင့်လက်လွှတ်ရန်ထက် စျေးနှုန်းတစ်ခုဖြင့်ရောင်းချသွားရန် ဆန္ဒရှိနေကြောင်းသိရသည်။
ဘိုင်ယန်မြူးနစ်အသင်းသည် လီဝန်ဒေါစကီးအတွက် ပြောင်းရွှေ့ကြေးအနည်းဆုံး ယူရို (၆၅)သန်း အလိုရှိနေသည်။
