စပါးအသင်း၏ နည်းပြဖြစ်သူ အန်တိုနီယိုကွန်တီက လက်စတာအသင်းနှင့် ပွဲစဉ်တွင် လူစားဝင်လာပြီးနောက် ချေပဂိုး၊ အနိုင်ဂိုးများသွင်းယူခဲ့သည့် စတီဗင်ဘာ့ဂ်ဝင်းချ်သည် သူ၏ အနာဂတ်အစီအစဉ်များတွင်ပါဝင်နေပြီး အသင်းတွင် ဆက်ရှိနေဦးမည်ဖြစ်ကြောင်း ပြောကြားခဲ့သည်။
ကွန်တီက “အရင်ကတည်းက ဘာ့ဂ်ဝင်းချ်ရဲ့ အနေအထားနဲ့ပတ်သက်ပြီး ကျွန်တော့်ကို မေးကြပါတယ်။ ကျွန်တော့်ဘက်ကတော့ ရှင်းရှင်းလေးပါ။ စပါးအသင်းမှာ ရှားပါးတဲ့ ဖန်တီးနိုင်စွမ်းမြင့် ကစားသမားတစ်ဦးဖြစ်တဲ့ သူဟာ အရေးပါတဲ့ ကစားသမားပါပဲ။ သူက အသင်းမှာဆက်ရှိနေမှာပါ” ဟု ပြောကြားခဲ့သည်။
ဘာ့ဂ်ဝင်းချ်သည် ယခုရာသီတွင် စပါးအသင်းအတွက် ပြိုင်ပွဲစုံ ၁၄ ပွဲကစားထားပြီး ၃ ဂိုးသွင်းယူပေးထားသည်။