အာဂျင်တီးနားတိုက်စစ်မှူး မက်ဆီက ဘရာဇီးလ်အသင်းနှင့်ကစားမည့်ပွဲမှာ မိမိတို့အတွက် အလွန်ခက်ခဲမည်ဖြစ်ကြောင်း အသင်းဖော်များကို သတိပေးပြောကြားခဲ့သည်။
အာဂျင်တီးနားအသင်းသည် ကိုပါအမေရိကပြိုင်ပွဲဗိုလ်လုပွဲတွင် အိမ်ရှင် ဘရာဇီးလ်အသင်းနှင့်တွေ့ ဆုံနေပြီး မက်ဆီအနေဖြင့်လည်း ဘာစီလိုနာအသင်းဖော်ဟောင်း နေမာနှင့် ချန်ပီယံဆုကို အပြိုင်လုရမည်ဖြစ်သည်။
မက်ဆီက ” နေမာက ကျွန်တော်နဲ့ ဗိုလ်လုပွဲမှာ တွေ့ချင်တယ်လို့ ပြောခဲ့ပါတယ်။ သူက ကျွန်တော့်ရဲ့သူငယ်ချင်းဖြစ်လို့ အဲဒီလိုပြောခဲ့တာဖြစ်မှာပါ။ အခု ကျွန်တော်တို့ နှစ်ယောက်စလုံး ဗိုလ်လုပွဲ ရောက်ရှိခဲ့ပါပြီ။ နေမာ ရှိနေတဲ့ ဘရာဇီးလ်အသင်းနဲ့ကစားရမှာ အရမ်းကိုခက်ခဲမှာ သေချာပါတယ်။ နေမာ ဘာတွေလုပ်တတ်သလဲ၊ ဘယ်လိုစွမ်းဆောင်နိုင်သလဲဆိုတာကို ကျွန်တော်တို့ ကောင်းကောင်းသိပါတယ်။ ကျွန်တော်နဲ့ နေမာက ရည်မှန်းချက် မြင့်မားသူတွေဖြစ်ပြီး ချန်ပီယံဆုအတွက် အပြိုင်လုရတော့မှာပါ”ဟု ပြောကြားခဲ့သည်။
