အာဆင်နယ်အသင်းသည် အသင်း၏ အိုင်ဗရီကို့စ်တောင်ပံတိုက်စစ်ကစားသမား ပေပေ၏ ပေါင်(၇၂)သန်းတန် အပြောင်းအရွှေ့ကို ပြန်လည်စစ်ဆေးသွားမည်ဖြစ်ကြောင်း သိ ရှိရသည်။
ပေပေသည် ၂၀၁၉ နွေရာသီအပြောင်းအရွှေ့ကာလက အာဆင်နယ်အသင်းသို့ က လပ်စံချိန်တင်ပြောင်းရွှေ့ကြေး ပေါင်(၇၂)သန်းဖြင့် ရောက်ရှိလာသူဖြစ်ပြီး အာဆင်နယ်အသင်းက သူ့အတွက် ပြောင်းရွှေ့ကြေးကို ယခင်ကလပ် လိုင်လီအသင်းထံ အရစ်ကျပေး ချေရမည်ဖြစ်သည်။
၎င်းအား မြင့်မားသည့် ပြောင်းရွှေ့ကြေးဖြင့် ခေါ်ယူခဲ့သော်လည်း အသင်းတွင် မျှော်မှန်းသလောက် ခြေစွမ်းပြနိုင်ခြင်းမရှိရာ ယင်းအပြောင်းအရွှေ့ကို ဝေဖန်မှုများ ရှိခဲ့သည်။
အာဆင်နယ်အသင်းထိပ်တန်းတာဝန်ရှိသူများသည် အသင်း၏ကစားသမား အားအင်ဖြည့်တင်းရေးအဖွဲ့(ကစားသမားသစ်ရှာဖွေရေးအဖွဲ့)၏ လုပ်ဆောင်မှုများကို မကျေမနပ်ဖြစ်နေပြီး ယင်းအဖွဲ့အား ပြုပြင်ပြောင်းလဲမှုများလည်း ပြုလုပ်လျက်ရှိသည်။
ယင်းပြုပြင်ပြောင်းလဲမှုပြုလုပ်ခြင်း၏ တစ်စိတ်တစ်ပိုင်းအနေဖြင့် ပေပေ၏ တန်ဖိုးမြင့်မားသော အပြောင်းအရွှေ့ကိုလည်း ပြန်လည်စစ်ဆေးသုံးသပ်သွားမည်ဖြစ်ကြောင်း သိရှိရသည်။
ယင်းစစ်ဆေးမှုကို အသင်းနည်းစနစ်ဒါရိုက်တာ အီဒူူးက ဦးဆောင်ပြုလုပ်သွားမည်ဖြစ်ပြီး အသင်းအနေဖြင့် ပေပေအတွက် ထိုက်သင့်သည့်ကြေးထက် မည်ရွေ့မည်မျှ ပိုမိုအသုံးပြုခဲ့ရသည် ဆိုခြင်းကို တွက်ချက်သွားမည်ဖြစ်ကြောင်း သိရှိရသည်။
