- လီဗာပူးလ်အသင်းမှ ဘရိုက်တန်အသင်းသို့ ပြောင်းရွှေ့လာသော အင်္ဂလန်ဝါရင့်ကွင်းလယ်လူလယ်လာနာက မိမိအနေဖြင့် အသင်းသစ်တွင် အောင်မြင်မှုများ ရယူပေးနိုင်လိမ့်မည်ဟု ယုံကြည်ကြောင်းနှင့် ဘရိုက်တန်အသင်းမှာ လူငယ်ကစားသမားများနှင့် အတွေ့အကြုံရှိကစားသမားများပေါင်းစပ်ကာ ပြည့်စုံသည့်အသင်းတစ်သင်းဖြစ်လာမည်ဖြစ်ကြောင်း ပြောကြားခဲ့သည်။
- မန်ယူအသင်းအနေဖြင့် ပရီးမီးယားလိဂ်ချန်ပီယံဆုကို စိန်ခေါ်မည်ဆိုပါက အမှားများသော စပိန်ဂိုးသမား ဒီဟေးယား၏နေရာတွင် ဂိုးသမားသစ်တစ်ဦးဦးကို အစားထိုးသင့်သည်ဟု မန်ယူအသင်းခေါင်းဆောင်ဟောင်း ရွိုင်ကင်း က မှတ်ချက်ပြုပြောကြားခဲ့သည်။
- ချယ်လ်ဆီးအသင်းအနေဖြင့် အမှားများ၍ ဖိအားများကြုံတွေ့နေရသော ဂိုးသမားကယ်ပါအား ရောင်းချရန် မလိုအပ်ကြောင်း၊ သူ၏စိတ်ဓာတ်ရေးရာကို မြှင့်တင်ပေးရန်သာ လိုအပ်ကြောင်း စပိန်လက်ရွေးစင်ဂိုးသမားဟောင်း ကာနီဇာရက်စ်က သုံးသပ်ပြောကြားခဲ့သည်။
- ယခုနွေရာသီအပြောင်းအရွှေ့ကာလတွင် မန်ယူအသင်း ရောင်းချတော့ မည်ဟု သတင်းများထွက်ပေါ်နေသော ပေါ်တူဂီနောက်ခံလူ ဒါလော့ကို ခေါ်ယူရန် ဘာစီလိုနာအသင်းက မျက်စိကျနေကြောင်း သိရှိရသည်။
- ခရစ္စတယ်ပဲလေ့စ်အသင်းသည် အဲဗာတန်၊ စပါးအစရှိသည့်အသင်းများ ခေါ်ယူရန်ပစ်မှတ်ထားနေသော ၎င်းတို့၏တောင်ပံကစားသမား ဇာဟာအား ရောင်းချရန် ဆန္ဒရှိနေပြီး ၎င်းအတွက် ကမ်းလှမ်းမှုများ ရောက်ရှိလာပါက လက်ခံစဉ်းစားသွားမည်ဖြစ်ကြောင်း Mirror သတင်းစာက ဖော်ပြခဲ့သည်။
