ရှက်ဖီးယူနိုက်တက် – မန်စီးတီး (မြန်မာစံတော်ချိန် အောက်တိုဘာ ၃၁ ရက်၊ ည ၇:၀၀ နာရီ)
မန်စီးတီးက ချန်ပီယံလိဂ် (၂)ပွဲမှာ တစ်ပွဲကို (၃)ဂိုးစီသွင်းခဲ့ပေမဲ့ ပရီးမီးယားလိဂ်မှာတော့ ဂိုးရဖို့ ရုန်းကန်နေရတယ်။ တကယ်ပိတ်ဆို့ကစားတဲ့အခါမျိုးမှာ ပရီးမီးယားလိဂ် ကစားသမားတွေရဲ့ ကြံ့ခိုင်မှုနဲ့ မန်စီးတီးကို ပိုရင်းနှီးနေတာမျိုးတွေ့ရပြီး၊ ကောင်းကောင်း ရင်ဆိုင်နိုင်ကြတာကိုတွေ့ရတယ်။ မန်စီးတီးကိုယ်တိုင် ခြေစွမ်းကျဆင်း၊ တိုက်စစ်ကျဆင်းနေတာလည်း ပါပါတယ်။ ဒီပွဲလည်း ခက်ခဲဦးမှာပဲ။ နိုင်ရင်တောင် ဂိုးမပြတ်လောက်ဘူး။
ဘန်လေ – ချယ်လ်ဆီး (မြန်မာစံတော်ချိန် အောက်တိုဘာ ၃၁ ရက်၊ ည ၉:၃၀ နာရီ)
ရလဒ်တွေကျဆင်းနေတဲ့ ဘန်လေအတွက် နောက်ထပ် ခက်ခဲဦးမဲ့ပွဲပါပဲ။ ထုံးစံအတိုင်း တိုက်စစ်ပြဿနာက ဘန်လေကို ဒုက္ခပေးနေပါတယ်။ ချယ်လ်ဆီးကတော့ တိုက်စစ်ကောင်း၊ ခံစစ်ညံ့ရာကနေ ခံစစ်လည်းအားနည်း၊ တိုက်စစ်လည်း အားနည်းတဲ့ အနေအထား ဖြစ်လာတယ်။ ဒါပေမဲ့ ဘန်လေလိုအသင်းမျိုးကိုတော့ ချယ်လ်ဆီး အနိုင်ကစားဖို့ မခက်လောက်ဘူးထင်တယ်။
လီဗာပူးလ် – ဝက်စ်ဟမ်း (မြန်မာစံတော်ချိန် အောက်တိုဘာ ၃၁ ရက်၊ ည ၁၂:၀၀ နာရီ)
ဝုလ်ဗ်နဲ့ လက်စတာတို့ကို ဂိုးပြတ်နိုင်ပွဲတွေယူခဲ့ပြီး၊ စပါးနဲ့ မန်စီးတီးကို သရေကစားခဲ့တဲ့ ဝက်စ်ဟမ်းရဲ့လက်ရှိရလဒ်နဲ့ Rhythm က ပရီးမီးယားလိဂ်မှာ အကောင်းဆုံးလို့တောင် ပြောလို့ရတယ်။ ဝက်စ်ဟမ်းကစားသမားတွေရဲ့ တစ်ဦးချင်းအရည်အသွေးက အရမ်းမမြင့်ပေမဲ့ စုဖွဲ့မှု အရမ်းကောင်းနေပြီး၊ အန်တိုနီယိုကို အထောင်ထား၊ ဝိုင်းပံ့ပိုးနေတဲ့ ပုံစံက အလုပ်ဖြစ်နေတယ်။ ဒါပေမဲ့ ဒီပွဲမှာ အန်တိုနီယို မကစားနိုင်တာကြောင့် ဝက်စ်ဟမ်း အခက်တွေ့ရဖို့ ရှိနေတယ်။ လီဗာပူးလ်ရဲ့ခြေစွမ်းနဲ့ ရလဒ်ပိုင်းက အကောင်းဆုံးပုံစံမဟုတ်ပေမဲ့ နိုင်သင့်တဲ့ပွဲကို အနိုင်ကစားဖို့ လုံလောက်တဲ့ အင်အား၊ စုဖွဲ့မှု၊ တည်ငြိမ်မှု တွေရှိပါတယ်။ လီဗာပူးလ် အနိုင်ကစားလိမ့်မယ်။
