လီဗာပူးလ်တိုက်စစ်ကစားသမား ဆာလာက မိမိအနေဖြင့် ပရီးမီးယားလိဂ် နှင့် ချန်ပီယံလိဂ်ဖလားများကို ထပ်မံရယူလိုကြောင်း ဗီလာရီးယဲလ်နှင့်ပွဲမတိုင်မီ ပြောကြားခဲ့သည်။
ဆာလာသည် လီဗာပူးလ်အသင်းနှင့်အတူ ၂၀၁၈-၁၉ ရာသီတွင် ချန်ပီယံလိဂ်၊ ၂၀၁၉-၂၀ ရာသီတွင် ပရီးမီးယားလိဂ် ချန်ပီယံဆုများကိုရယူနိုင်ခဲ့သည်။
ဆာလာက ”ကျွန်တော့်အနေနဲ့ ချန်ပီယံလိဂ်နဲ့ ပရီးမီးယားလိဂ် ချန်ပီယံဆု ရရှိတဲ့ခံစားချက်ကို ပြန်ပြီးခံစားချင်ပါတယ်။ ချန်ပီယံလိဂ်ဖလားရတုန်းက မြို့လှည့်ပြီး အောင်ပွဲခံရတာ အရမ်းကောင်းပါတယ်။ ပရီးမီးယားလိဂ်ချန်ပီယံ ဖြစ်တုန်းကတော့ ကိုဗစ်ကာလဖြစ်လို့ အောင်ပွဲမခံခဲ့ရပါဘူး”ဟု ဆိုခဲ့သည်။
