ရီးယဲလ်မက်ဒရစ်အသင်းမှ မန်ယူအသင်းသို့ပြောင်းရွှေ့လာခဲ့သည့် ဘရာဇီးလ်ကွင်းလယ်လူ ကက်စမဲရိုးက မိမိအနေဖြင့် မန်ယူအသင်းနှင့်အတူ ပရိသတ်များဂုဏ်ယူရသည့် အောင်မြင်မှုများယူဆောင်ပေးရန် ဆုံးဖြတ်ထားကြောင်း ပြောကြားခဲ့သည်။
မန်ယူအသင်းသည် အသက် (၃၀)နှစ်အရွယ်ရှိ ကက်စမဲရိုးအား ပြောင်းရွှေ့ကြေး ယူရိုသန်း (၆၀)+add-ons (၁၀)သန်းဖြင့်ခေါ်ယူခဲ့ခြင်းဖြစ်ပြီး ၂၀၂၆ ခုနှစ်အထိသက်တမ်းရှိမည့် (၄)နှစ်စာချုပ်ချုပ်ဆိုခဲ့ကာ တစ်နှစ်ထပ်မံသက်တမ်းတိုးခွင့်ပါဝင်ကြောင်းသိရသည်။
မန်ယူအသင်းကို ပြောင်းရွှေ့ခဲ့ခြင်းနှင့်ပတ်သက်ပြီး ကက်စမဲရိုးက ”မန်ချက်စတာယူနိုက်တက်အသင်းနဲ့ ပရီးမီးယားလိဂ်ပြိုင်ပွဲမှာ စိန်ခေါ်မှုအသစ် တစ်ခု စတင်ရမယ့်အခွင့်အလမ်းအတွက် အမှန်တကယ် စိတ်လှုပ်ရှားမိပါတယ်။ ကစား သမားဘဝမှ ကြီးကျယ်ခမ်းနားတဲ့ မန်နေဂျာ တွေနဲ့ အလုပ်တွဲလုပ်ခဲ့ပါတယ်။ အီရစ်(တန် ဟက်ဂ်)တွေ့ဆုံခဲ့ပြီး သူ့ရဲ့အိုင်ဒီယာတွေကို ကြားခဲ့ရပါတယ်။ လာမယ့်နှစ်တွေအတွင်းမှာ အီရစ်၊ နည်းပြအဖွဲ့ဝင်တွေ၊ အသင်းဖော်သစ် တွေနဲ့ အတူလက်တွဲလုပ်ဖို့ ကျွန်တော် မ စောင့်နိုင်တော့ပါဘူး။ မက်ဒရစ်မှာ လှပတဲ့ ခရီးတစ်ခုကို အဆုံးသတ်ခဲ့ပြီး မန်ချက်စတာ မှာ အခြားတစ်ခုကို စတင်မှာပါ။ ပွဲတွေအမြဲ အနိုင်ရဖို့၊ ဆုဖလားတွေရရှိဖို့နဲ့ ဒီကြီးကျယ် ခမ်းနားတဲ့အသင်းကို အောင်မြင်မှုတွေ ယူ ဆောင်ပေးခြင်းနဲ့ ကျွန်တော်တို့ ပရိသတ်တွေ ဂုဏ်ယူရအောင် လုပ်ဆောင်ပေးဖို့ ဆုံးဖြတ် ထားပါတယ်။ မန်ချက်စတာယူနိုက်တက်အ သင်းရဲ့ သမိုင်းကြောင်းနဲ့ ထင်ရှားကျော်ကြား မှုကို လူတိုင်းသိပါတယ်။ ယူနိုက်တက်အသင်း ကို ကိုယ်စားပြုကစားရတာ ဂုဏ်ယူစရာတစ် ခုဖြစ်ပြီး ကျွန်တော်တို့ရဲ့အောင်မြင်မှုရည် မှန်းချက်တွေအတွက် အသင်းကို အရာအား လုံး ကူညီပေးဖို့ ကျွန်တော် အသင့်ရှိနေပါ တယ်” ဟု ကက်စီမီရိုက မန်ယူအသင်းဝက်ဘ် ဆိုက်သို့ ပြောကြားခဲ့သည်။
ကက်စီမီရိုအနေဖြင့် ကစားသမားသက် တမ်းအတွင်း ပရော်ဖက်ရှင်နယ်ပွဲပေါင်း (၅၅၀) ပွဲအထိ ကစားထားပြီး ယင်းထဲမှ (၆၃) ပွဲ မှာ နိုင်ငံအသင်းအတွက်ဖြစ်သည်။ ချန်ပီယံ လိဂ် ငါးကြိမ်နှင့် ကိုပါအမေရိက တစ်ကြိမ် အပါအဝင် မေဂျာဆုဖလားပေါင်း (၂၂) လုံးအ ထိ ဆွတ်ခူးထားခဲ့သည်။
