ONE Championship အဖွဲ့အစည်းက ယခုနှစ်ကုန်ပိုင်းပြုလုပ်မည့် MMA ပြိုင်ပွဲ များတွင် နာမည်ကြီးမြန်မာကစားသမား အောင်လအန်ဆန်၏တွဲဆိုင်း ပါဝင်လာဖွယ် ရှိကြောင်း သိရသည်။
အောင်လအန်ဆန်သည် ဇူလိုင် ၃၀ ရက်ကပြုလုပ်သည့် ONE Battleground MMA ပြိုင်ပွဲတွင် ဘရာဇီးနိုင်ငံသား လီအန်ဒရိုကို ပထမအချီတွင် အလဲထိုးအနိုင်ရခဲ့ပြီး ပြိုင်ပွဲများထပ်မံထိုးသတ်ရမည်ဖြစ်သည်။ ONE Championship အဖွဲ့အစည်းကလည်း မစ်ဒယ်ဝိတ်တန်းနှင့် လိုက်ဟဲဗီးဝိတ်တန်း ကမ္ဘာ့ချန်ပီယံဟောင်း အောင်လအန်ဆန် အတွက် တွဲဆိုင်းများထပ်မံစီစဉ်ပေးရန် ဆန္ဒရှိနေပြီး သြဂုတ်ဒုတိယပတ်ကတည်းက အောင်လအန်ဆန် ထပ်မံထိုးသတ်ရမည့် ပွဲစဉ်ကို မကြာမီကြေညာမည်ဖြစ်ကြောင်း တရားဝင် သတင်းထုတ်ပြန်ထားသည်။
အောင်လအန်ဆန်သည် လီအန်ဒရိုကို အနိုင် ရခဲ့သဖြင့် ၎င်းလက်လွှတ်ခဲ့ရသည့် မစ်ဒယ်ဝိတ်တန်း ကမ္ဘာ့ချန်ပီယံဆုကို ပြန်လည်စိန် ခေါ်ခွင့်ရရန် နီးစပ်လာပြီး လာမည့်ပွဲမှာ ချန် ပီယံစိန်ခေါ်ပွဲ ဖြစ်ဖွယ်ရှိကြောင်း သိရသည်။ ONE Championship အနေဖြင့် အောင်လ အန်ဆန် ထပ်မံထိုးသတ်မည့်ပွဲမှာ ချန်ပီယံလုပွဲ သို့မဟုတ် စိန်ခေါ်ပွဲဖြစ်ကြောင်း ပြန်လည်အတည်ပြုမည်ဖြစ်သည်။အောင်လအန်ဆန်သည် ဇူလိုင်လကုန် မှ ပြိုင်ပွဲထိုးသတ်ထားရသဖြင့် နိုဝင်ဘာနှင့် ဒီဇင်ဘာမှသာ ထိုးသတ်ရဖွယ်ရှိနေသည်။
ONE Championship အနေဖြင့် ကစားသမားများကို ပြိုင်ပွဲတစ်ခုနှင့် တစ်ခု နီးကပ် စွာ စီစဉ်ပေးခြင်းမရှိဘဲ အောင်လအန်ဆန် အနေဖြင့် ယခုနှစ်အတွင်း ဧပြီနှင့် ဇူလိုင်လ ကုန်တို့တွင် နှစ်ပွဲထိုးသတ်ထားသည်။ အောင် လအန်ဆန်သည် ၎င်းင်းလက်လွှတ်ခဲ့ရသည့် မစ်ဒယ်ဝိတ်တန်း ကမ္ဘာ့ချန်ပီယံဆု ပြန်လည် ရယူနိုင်ရန် စိတ်ဆန္ဒပြင်းပြနေသူဖြစ်ပြီး ကစားသမားဘဝမှ အနားမယူမီ နောက်ထပ် တစ်ကြိမ် ကမ္ဘာ့ချန်ပီယံဖြစ်ရန် ရည်မှန်းထားသူဖြစ်သည်။ အောင်လအန်ဆန်သည် အသက် ၃၆ နှစ်ရှိပြီဖြစ်သောကြောင့် နှစ် အနည်းငယ်သာ MMA ပွဲစဉ်များဆက်လက် ထိုးသတ်နိုင်ဖွယ်ရှိနေသည်။
အောင်လအန်ဆန်သည် မစ်ဒယ်ဝိတ် တန်း ကမ္ဘာ့ချန်ပီယံဆုကို ၂၀၁၇ ခုနှစ် ဇွန်လ တွင် ရုရှားနိုင်ငံသား ဗစ်တာလီဘစ်ဒက်ရှ်ကို အနိုင်ယူကာ ရယူနိုင်ခဲ့ခြင်းဖြစ်ပြီး ၂၀၂၀ အောက်တိုဘာလကုန်အထိ ရပ်တည်နိုင်ခဲ့ သည်။ အောင်လအန်ဆန်သည် မစ်ဒယ်ဝိတ် တန်း ကမ္ဘာ့ချန်ပီယံကာကွယ်ပွဲ လေးပွဲမြောက် တွင် ရှုံးပွဲကြုံတွေ့ကာ ချန်ပီယံဆုလက်လွှတ် ခဲ့ရခြင်းဖြစ်သည်။
ချန်ပီယံကာကွယ်ပွဲတွင် ဂျပန်နိုင်ငံသား ဟဆဲဂါ၀ါနှင့်နှစ်ပွဲ၊ လက်ဘ နွန်နိုင်ငံသား ကရာကီနှင့်တစ်ပွဲ အနိုင်ရခဲ့ သော်လည်း ၂၀၂၀ အောက်တိုဘာ ၃၀ ရက် ကထိုးသတ်သည့် နယ်သာလန်နိုင်ငံသား ဒီရစ်ဒါနှင့်ပွဲတွင် ပထမအချီမှာပင် ချုပ်ကွက် ဖြင့် အရေးနိမ့်ခဲ့ခြင်းဖြစ်သည်။
